Куурустар улуустар депутаттарын Сэбиэттэрин бэрэссэдээтэллэрин уонна специалистарын СѲ Ил Түмэн иhинэн үлэлиир муниципальнай тэриллиилэр бэрэстэбиитэллээх органнарын Сэбиэттэрин ыытыы чэрчитинэн үѳрэтиигэ туhуламмыттар.
Ил Түмэн судаарыстыбаннай тутууга уонна олохтоох салайыныыга сис кэмитиэтин бэрэссэдээтэлэ Владимир Прокопьев үѳрэтии саҕаламмытынан кыттааччылары эҕэрдэлээтэ, элбэх туhалаах информацияны ылалларыгар баҕарда.
СѲ Баhылыгын иhинэн үлэлиир инновационнай менеджмент Үрдүкү оскуолатын ректора Ольга Сукуева Саха Сирин парламеныгар олохтоох салайыныы органнарыгар квалификацияны үрдэтэр куурустары ыытар кыаҕы биэрбитин иhин махталын биллэрдэ.
СѲ Баhылыгын уонна СѲ Бырабыыталыстыбатын Дьаhалтатын олохтоох салайыныы боппуруостарыгар департаменын салайааччыта Иван Попов куурустар истээччилэрин элбэх саңа идиэйэлэр күүтэллэрин, үлэлэригэр туhалаах билии бэриллиэҕин бэлиэтээн туран, эҕэрдэтин тиэртэ.
-
0
-
0
-
0
-
0
-
0
-
0
