Ол курдук, бэҕэһээ Чурапчы улууһугар чаҕылҕан охсуутуттан Суорун Омолоон аатынан опера уонна балет судаарыстыбаннай тыйаатырын артыыһа Василий Кириллин суорума суолламмыт. Сүтүктээх дьоҥҥо дириҥ кутурҕаммытын тиэрдэбит.
Бу иннинэ Ньурба улууһун Дьиикимдэ сэлиэнньэтигэр электрическай боруобат быстан олохтоохтор 11 сүөһүлэрэ уокка оҕустаран өлбүт. Ньурба улууһун пресс-сулууспата иһитиннэрбитинэн, дьаһалта бу ыалларга хорумньуларын толуйарга үлэ ыыта сылдьар. Оттон “Якутскэнерго” кылаабынай инженера Игорь Шкурко иһитиннэрбитинэн, сүөһүлэр өлбүттэринэн тэрилтэ бэрэбиэркэ ыытыаҕа.
Ааспыт өрөбүллэргэ чаҕылханнаах, этиҥнээх ардахтан 14 сиргэ электрическэй уот барбыт.
-
0
-
0
-
0
-
0
-
0
-
0
