Кинилэр үлэлэрин дойду биллиилээх IT-исписэлиистэрэ сыаналыахтара, дьүүллүөхтэрэ. Бу түһүмэх бирииһин пуондата 24 мөл. солк. тэҥнэһэр. Уһук Илиҥҥи уокуруктааҕы куонкурус Владивосток куоракка алтынньы 3-5 күннэригэр буолуоҕа. Уһук Илиҥҥи уокуруктан бу куонкуруска дьон көхтөөхтүк кыттар туруктаах. Бу күннэрдээҕи туругунан 824 исписэлиис кыттарга бэлэмин биллэрбит. Ол курдук, Приморскай, Хабаровскай, Забайкальскай, Камчатка кыраайдарыттан уонна Саха сириттэн саамай элбэх кыттааччы баара биллэр. Бу күһүн Уһук Илиҥҥи уокурукка ыытыллыахтаах куонкуруска кыттааччылар уокурукка баар кыһалҕаларын быһаарыыга аналлаах IT-бородуукталарын оҥоруохтара. Куонкурус түмүгүнэн эригийиэннэргэ IT-исписэлиистэр каадырга резервэлэрин бэлэмниэхтэрэ. Хакатон кыайыылаахтара харчынан наҕараадаланыахтара уонна «Цифровой прорыв» бүтүн Арассыыйатааҕы куонкурус финалыгар кыттыыны ылыахтара.
-
0
-
0
-
0
-
0
-
0
-
0
