Издательский дом Редакция Подписка
Погода в Якутске: . 21 oC

Үөрэх уонна наука министиэристибэтэ, Экология, айылҕаны туһаныы уонна ойуур хаһаайыстыбатын министиэристибэтэ, «Саха Сирин эдэр олохтоохторо» өрөспүүбүлүкэтээҕи ресурснай киин, «Сосновый бор» оҕо чэбдигирдэр киинэ уонна Арассыыйа Географическай уопсастыбатын Саха Сиринээҕи салаата алтыс төгүлүн ыытыллар 2023 сыллаах күн-дьыл туругун кэтээн көрүү «Күннүгүн» толоруу куонкуруһун түмүгүн таһаардылар.

Үөрэх уонна наука министиэристибэтэ, Экология, айылҕаны туһаныы уонна ойуур хаһаайыстыбатын министиэристибэтэ, «Саха Сирин эдэр олохтоохторо» өрөспүүбүлүкэтээҕи ресурснай киин, «Сосновый бор» оҕо чэбдигирдэр киинэ уонна Арассыыйа Географическай уопсастыбатын Саха Сиринээҕи салаата алтыс төгүлүн ыытыллар 2023 сыллаах күн-дьыл туругун кэтээн көрүү «Күннүгүн» толоруу куонкуруһун түмүгүн таһаардылар.

Куонкуруска өрөспүүбүлүкэ 19 улууһуттан 200 үөрэнээччи кытынна, кинилэртэн «Күннүгү» күн аайы уонна бары ирдэбили тутуһан, толору толорбут 17 оҕо сүүмэрдэнэн, кыайыылаах буоллулар, бириистэринэн бэлиэтэннилэр. Жюри састаабыгар тэрийээччилэр бэрэстэбиитэллэрэ үлэлээтилэр. Куонкурус түмүгүн иһитиннэрии кулун тутар 21 күнүгэр онлайн киэбинэн ыытылынна.

к_-_пал.jpeg

Түмүк үгэс курдук, оҕолору саастарынан итиэннэ олорор сирдэринэн зоналарынан арааран таһаарылынна. Кылаас салайааччыларын уонна төрөппүттэр түмсүүлээх үлэлэрин түмүгэр, алын кылаас үөрэнээччилэрин бөлөҕөр ордук чаҕылхай көрдөрүүнү Мэҥэ Хаҥалас улууһуттан Ф.Г. Охлопков аатынан Майа орто оскуолатын үөрэнээччилэрэ уонна Алдан улууһуттан Аллараа Кураанах гимназиятын үөрэнээччилэрэ көрдөрдүлэр!

к-_Кон.jpeg

Аллараа Кураанах гимназиятын VII кылааһын үөрэнээччитэ Константин Гребенкин бэйэтин зонатыгар бэһис төгүлүн бастаата! Орто Халыма улууһун Алаһыай орто оскуолатын VIII Александра Потапова үс көрүҥҥэ I миэстэни, икки көрүҥҥэ II миэстэни ылла, Хаҥалас улууһун И.И. Козлов аатынан Бэстээх орто оскуолатын IX кылааһын үөрэнээччитэ Дайаана Емельянова түөрт бириистээх миэстэҕэ тигистэ.

к_-бес.jpeg

Олохсуйбут үгэс быһыытынан, бастыҥнары бэлиэтиир бириистэри дьылдьыттар Иннокентий Сосин, Роман Плотников-Мэҥэ Арамаан, Николай Игнатьев-Билгэ, Максим Сибиряков, биллиилээх педагогтар Пантелеймон Дарбасов, Галина Дмитриева уонна учуонайдар Зоя Дмитриева, Семен Мостахов аймахтара, үөрэнээччилэрэ туруордулар. 

к_-_сиб.jpeg

«Күннүгү» толоруу куонкуруһугар быйыл иккис сылын оскуола иннинээҕи саастаах кырачааннар кытыннылар. Кинилэргэ уонна алын кылаас үөрэнээччилэригэр «Сахамедиа» холбоһук генеральнай дириэктэрэ Виктор Колесов, Экология, айылҕаны туһаныы уонна ойуур хаһаайыстыбатын министиэристибэтин экологияҕа сэбиэтин бэрэссэдээтэлэ Игорь Бястинов, бу министиэристибэ булт хаһаайыстыбатыгар уонна ураты харыстанар сирдэргэ департаменын салайааччы Анатолий Попов олохтообут бириистэрэ туттарылынна.

к_-_май.jpeg

– Оҕолор күн-дьыл туругун күннэтэ кэтээн көрөн, «Күннүгү» толорууларын, биллэн турар, учууталлар, кылаас салайааччылара уонна предметниктэр, тэрийэллэр. Аллараа Кураанах гимназиятын алын кылааһын учуутала Виктория Николаевна Паламарчук уонна Ф.Г. Охлопков аатынан Майа орто оскуолатын алын кылааһын учуутала Елена Николаевна Чичахова сыралаах, үтүө суобастаах үлэлэрин жюри сиэрдээхтик сыаналаата. «Күннүгү» толорууга кылаастарын оҕолорун көхтөөхтүк үлэлэтэллэр, куонкурус тэриллиэҕиттэн кытыннараллар, бу кэм устатыгар 16-лыы кыайыылааҕы уонна призеру бэлэмнээтилэр. Н.С. Охлопков аатынан Нам улуустааҕы гиназиятын географияҕа учуутала Лена Владимировна Бочкарева кэллиэгэлэриттэн хаалсыбат: 11 үөрэнээччитэ кыайыылаах уонна призер буоллулар, – диэн кэпсээтэ «Күннүк» ааптара Александр Герасимов.

к_-_май_1.jpeg

  • 15
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51