Издательский дом Редакция Подписка
Погода в Якутске: . 3 oC

Бэҕэһээ, кулун тутар 30 күнүгэр Чурапчы нэһилиэгин “Айылгы” норуот айымньытын дьиэтигэр “Добун дорҕоон түһүлгэтэ” өрөспүүбүлүкэтээҕи бэстибээл онус төгүлүн ыытылынна. Бырайыак ааптардарынан “Халлааҥҥа үрдэл” бөлөх салайааччыта Айсен Борисов уонна “Айылгы” норуот айымньытын дьиэтин тыаска-ууска исписэлииһэ Гаврил Лыткин буолаллар. Быйылгы бэстибэл бэйиэт, рок-ырыаһыт, инноватор-педагог Николай Максимович Сибиряков сырдык аатыгар ананна.

Бэҕэһээ, кулун тутар 30 күнүгэр Чурапчы нэһилиэгин “Айылгы” норуот айымньытын дьиэтигэр “Добун дорҕоон түһүлгэтэ” өрөспүүбүлүкэтээҕи бэстибээл онус төгүлүн ыытылынна. Бырайыак ааптардарынан “Халлааҥҥа үрдэл” бөлөх салайааччыта Айсен Борисов уонна “Айылгы” норуот айымньытын дьиэтин тыаска-ууска исписэлииһэ Гаврил Лыткин буолаллар. Быйылгы бэстибэл бэйиэт, рок-ырыаһыт, инноватор-педагог Николай Максимович Сибиряков сырдык аатыгар ананна.

Сылтан-сыл аайы “Добун дорҕоон түһүлгэтин» хабар эйгэтэ улам кэҥээн, бу сырыыга барыта 19 бөлөх кэлэн ыллаан-туойан, көрөөччүгэ тыыннаах доҕуһуолу бэлэхтээтилэр. Ол курдук, оҕолор бөлөхтөрүгэр: Хатас бөһүөлэгиттэн Айар суол”, Амма улууһуттан Дьүкээбил” уонна Ыллыктар”, Таатта улууһуттан Эклипс”, Орто Халыма улууһуттан Эрэл”, Чурапчы нэһилиэгиттэн Тоҕус Томтор”, Усуйаана улууһуттан Тумат”, Сунтаар улууһуттан Алтын Куо”, Кэрэли” уонна Айтал”, Чурапчы улууһун Сылаҥ нэһилиэгиттэн Сырдык күүс”; улахан дьон бөлөҕөр: Дьокуускай куораттан 60/1”, Хэппи Чак”, Амма улууһуттан Ой дуо”, Мэҥэ Хаҥалас улууһуттан Ырыаллан”, Чурапчы улууһун Сылаҥ нэһилиэгиттэн Кыл түгэнэ”, Чурапчы нэһилиэгиттэн Толбон”, Күөрэгэй”, Хайахсыт нэһилиэгиттэн Дуораан ситимэ” кытыннылар. Онон күнү быһа саала иһэ өрө ньиргийэн олордо.

04.jpeg

“Чороон” ВИА бастакы ырыаһыта Петр Макаров салайааччылаах дьүүллүүр сүбэҕэ: Саха Өрөспүүбүлүкэтин култууратын үтүөлээх үлэһитэ, Чурапчы улууһун Бочуоттаах олохтооҕо, “Табык” рок-бөлөх салайааччыта Дмитрий Попов, Арассыыйа Федерациятын физическэй култуураҕа уонна успуорка туйгуна, 1970-1980-с сылларга Чурапчы улууһугар ВИА пропагандистара Виктор Дьяконов, Иван Дягтярев, Саха Өрөспүүбүлүкэтин култууратын үтүөлээх үлэһитэ, Саха Өрөспүүбүлүкэтин Суруйааччыларын сойууһун чилиэнэ, Дьааҥы улууһугар «Дуулаҕа дьуһаал» ВИА-ны төрүттээбит, өр сылларга салайбыт Виктор Стручков үлэлээтилэр.

02.jpeg

Бэстибээл аһыллар үөрүүлээх чааһыгар киирии тылы Чурапчы улууһун баһылыга Степан Саргыдаев уонна Николай Сибиряковы кытары Үөрэх улуустааҕы салалтатыгар бииргэ үлэлээбит, алтыспыт доҕоро Виктор Дьяконов эттилэр.

Түмүккэ Кэскиллээх гитарист” анал аатынан Сунтаар улууһуттан Айтал Серкан Семенов (Мэхээс Сэмэнэп төрөппүт уола), Бастыҥ охсор доҕуһуол” анал аатынан Орто Халыматтан Ангелина Муханова, Дьокуускайтан Дмитрий Данилов бэлиэтэннилэр. Оҕолорго II истиэпэннээх диплом Таатта улууһуттан Эклипс”, Сунтаар улууһуттан Кэрэли” бөлөхтөргө, улахан дьоҥҥо III истиэпэннээх диплом Дьокуускай куораттан 60/1”, II истиэпэннээх диплом Дьокуускай куораттан Хэппи Чак”, I истиэпэннээх диплом Мэҥэ Хаҥалас улууһуттан Ырыаллан” бөлөхтөргө туттарылына.

01.jpeg

Оҕолорго III истиэпэннээх лауреатынан Усуйаана улууһуттан Тумат”, II истиэпэннээх лауреатынан Сылаҥ нэһилиэгиттэн Сырдык күүс”, I истиэпэннээх лауреат Амма улууһуттан Ыллыктар” бөлөх ааттаннылар. Николай Сибиряков аатынан Чурапчытааҕы үөрэх управлениетын харчынан сэртипикээтэ С.Макаров аатынан Чурапчы гимназиятын үөрэнээччилэриттэн састааптаах Тоҕус Томтор” бөлөххө (сал. Георгий Барашков) ананна. Улахан дьоҥҥо III истиэпэннээх лауреаттарынан Хайахсыт нэһилиэгиттэн Дуораан ситимэ”, II истиэпэннээх лауреаттарынан Чурапчы нэһилиэгиттэн Толбон”, I истиэпэннээх лауреаттарынан Амма улууһуттан Ой дуо” бөлөхтөр буоллулар.

03.jpeg

Кылаан кыайыылаахтарынан оҕолорго иккис сылларын Орто Халыма улууһуттан Эрэл” бөлөх, улахан дьоҥҥо Сылаҥ нэһилиэгиттэн Кыл түгэнэ” бөлөхтөр ааттананнар, 50-ну тыһыынча солкуобай уу харчынан наҕараадаланнылар.

Биһиги онус кылааска үөрэнэбит. «Эрэл» бөлөхпүт 2018 сыллаахха тэриллибитэ, мин бэйэм быйыл саҥардыы кэлбитим. Былырыынҥы «Добун дорҕоон» түһүлгэтигэр эмиэ кылаан чыпчаал буолбуттара. Салайааччыбыт Владимир Киприянов. Чурапчы улууһа наһаа үчүгэй дьонноох-сэргэлээх эбит, улахан баҕайы сир эбит, биһиги кыракый дэриэбинэ буолуо дии санаабыппыт, биэстии этээстээх улахан таас дьиэлэри, аныгылыы эргиэн кииннэрин маҕаһыыннары көрөммүт астынныбыт. Кыратык экскурциялаабыппыт, кыраһыабай, үчүгэй нэһилиэк эбит, сөбүлээтибит. Дьон сыһыана истиҥ, кыттааччылар чаҕылхайдар, күүстээхтэр. Гала-кэнсиэркэ бэйэбит олохтоох ааптарбыт тылларыгар «Уол оҕото» диэн ырыаны толордубут, – диэн кыайыылаах бөлөх солиһа Олеся Третьякова санаатын үллэһиннэ.

05.jpeg

Киһи үөрэрэ диэн, бэстибээлгэ кэлбит 19 бөлөхтөн 11-рэ оҕолор бөлөхтөрө, бу – аата тыыннаах муусука кэскиллээҕин, салҕанан бара турар аналлааҕын көрдөрөр.

Маннык улахан түһүлгэ инникитин кыттааччыта уонна истээччитэ үксээн иһиэҕин баҕарыллар. Саха мусукааннара баалларын тухары – тыыннаах дорҕоон дуораһыйа оонньонуоҕа!

  • 5
  • 0
  • 0
  • 0
  • 0
  • 2

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением