Пааспар уонна массыына ыытар дастабырыанньа болдьоҕо олунньу 1 күнүттэн от ыйын 15 диэри тохтообут буоллаҕына, ахсынньы 31 күнүгэр диэри уһатыахтарын сөп.
Коммунальнай төлөбүрдэригэр субсидияны ылар бырааптара муус устар 1 күнүттэн алтынньы 1 күнүгэр диэри бүппүт буоллаҕына, быһа алта ыйга уһаан биэрэр.
Ыйдааҕы дохуоттара намыһах ыалларга муус устартан алтынньы 1 күнүгэр диэри үстэригэр диэри саастаах бастакы эбэтэр иккис оҕоҕо төлөнөр ыйдааҕы босуобуйа эмиэ быһа уһаан биэрэр.
Балаҕан ыйын 30 күнүгэр диэри массыына ОСАГО страховкатын ыларга массыына техническэй бэрэбиэркэни ааспытын туһунан докумуону көрдөрүө суохха сөп. Ол эрээри, бу болдьох кэнниттэн бэрэбиэркэни син биир ааһыахха наада. Алтынньы 31 күнүн кэнниттэн страховкалыыр хампаанньалар массыына техническэй бэрэбиэркэни ааспытын туһунан докумуону ирдиир эбээһинэстээхтэр.
Инбэлиит киһиэхэ. Кулун тутар 1 күнүттэн алтынньы 1 күнүгэр диэри инбэлиит киһи ыарыытынан инбэлиит буоларын бигэргэтэригэр тустаах процедураны ааһара наадата суох, быһа алта ыйга уһаталлар.
Үлэтэ суоҕунан босуобуйаны ылар бырааба кулун тутар 1 күнүгэр тохтообут буоллаҕына, үс ый уһаан биэрэр, маныаха үлэтэ суох киһи ханнык эмэ докумуону биэрэрэ, бэйэтэ тэрилтэҕэ тиийэрэ ирдэммэт. Босуобуйа кээмэйэ эрдэ олохтоммут кээмэйинэн хаалар.
-
0
-
0
-
0
-
0
-
0
-
0
