Издательский дом Редакция Подписка
Погода в Якутске: . 18 oC

Тыа хаһаайыстыбатын уонна ас-үөл бэлиитикэтин министиэристибэтэ сааскы халаан уутун хоромньута суох аһардар туһугар дьаһаллары эрдэттэн бэлэмниир.

Тыа хаһаайыстыбатын уонна ас-үөл бэлиитикэтин министиэристибэтэ сааскы халаан уутун хоромньута суох аһардар туһугар дьаһаллары эрдэттэн бэлэмниир.

Ол курдук, министиэристибэ суһал ыстаабын сүрүннээһининэн, кулун тутар 4 күнүттэн саҕалаан, тустаах нэһилиэктэр пааспардара, ууга барар кутталлаах эбийиэктэр испииһэктэрэ, сүөһүнү-сылгыны үөһэ, уу ылбат сиригэр таһаарыы былаана итиэннэ быстах хаайар пууннары көрүү-истии кыраапыга оҥоһуллубута.

Өрөспүүбүлүкэ үрдүнэн Алдан, Амма, Өлүөнэ уонна Халыма өрүстэр сүнньүлэригэр сытар Амма, Алдан, Дьааҥы, Кэбээйи, Ленскэй, Мэҥэ Хаҥалас, Нам, Орто Халыма, Өлүөхүмэ, Таатта, Томпо, Уус Алдан, Уус Маайа, Хаҥалас, Чурапчы улуустарын нэһилиэктэригэр сааскы халаан кэмигэр сүөһүнү-сылгыны таһааран, быстах хаайар 99 пуун баар.

халаан_-_4.jpeg

Күн бүгүҥҥү туругунан 46 нэһилиэккэ халаан уута ааһар кэмигэр сүөһүнү быстах хаайар 55 пуун туруга, аһылык саппааһынан хайдах хааччыллара бэрэбиэркэлэннэ, сүөһүнү-сылгыны пууннарга таһаарар эрчиллиилэр тэрилиннилэр. Ону таһынан тыа хаһаайыстыбаларын управлениеларын, дьаһалталар исписэлиистэрэ, хаһаайыстыбалар салайааччылара, барыта 315 киһи, халааны утары дьаһаллары тэрийиигэ итиэннэ дьиэни-уоту, үлэ эбийиэктэрин уу ылар түбэлтэтигэр тустаах докумуоннары толорорго үөрэннилэр. Билигин да үлэ салҕанар, түмүктүүр үөрэх Дьокуускайга ыытыллыаҕа, – диэн мобилизационнай бэлэмнэнии бөлөҕүн сүрүн исписэлииһэ Айталина Ларионова иһитиннэрэр.

халаан_-_3.jpeg

Сүөһүнү-сылгыны быстах хаайар пууннарга наада буолар от уонна бурдук саппааһа баар, ону бу хаалбыт кэмҥэ миэстэҕэ таһар уонна өрөмүөнү бүтэрэ иликтэр ситэрэллэрэ ирдэнэр диэн министиэристибэ пресс-киинэ иһитиннэрэр.

Халаан_-_1.jpeg

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22