Бэбиэскэҕэ барыта 45 боппуруос киллэрилиннэ. Бастакынан үгэс курдук, каадырга сыһыаннаах боппуруостар көрүллүөхтэрэ: судьуйалар кэллиэгийэлэригэр уопсастыбаннас бэрэстэбиитэлэ быһаарыллыаҕа, уопсастыбаннай балаата чилиэннэрэ бигэргэтиллиэхтэрэ.
Бастакы ааҕыыга быйылгы бүддьүөт корректировкатын уонна кэлэр икки сылга былааннанар бүддьүөт барылын, нолуок бэлиитикэтин, босхо юридическай көмө, судаарыстыба бас билэр баайын-дуолун привитизациялааһын, «АЛРОСА» хампаанньа аахсыйаларын дьаһайар, доруобуйа харыстабылын, сири тупсаран оҥоруу уо.д.а. туһунан сокуоннарга кэккэ уларытыылары киллэрэр туһунан сокуоннар барыллара көрүллүөхтэрэ.
Олохтоох салайыныы уорганнарыгар административнай хамыыһыйалары тэрийии уонна дуоһунастаах сирэйдэр кэрискэлэрин быһаарыы боломуочуйаларын биэрэр, ирбэт тоҥ харыстабылын, сир аннынааҕы баай-дуол, дьоҕус уонна орто урбааны сайыннарыы, физичекэй култуура уонна успуорт туһунан сокуоннар барыллара иккис ааҕыыга көрүллүөхтэрэ.
Ону таһынан киһи уонна оҕо бырааптарын боломуочунайдара, Счетнай балаата, Юстиция министиэристибэтин управлениетын итиэннэ Төрүт сокуон сэбиэтин сыллааҕы үлэлэрин отчуоттара истиллиэҕэ.
-
0
-
0
-
0
-
0
-
0
-
0
