Сэрэбиэйгэ кыттарга дьон сайабылыанньаны судаарыстыбаннай портал көмөтүнэн (https://e-yakutia.ru) муус устар 1 күнүттэн бэс ыйын 30 күнүгэр диэри биэрбиттэрэ. Бүгүҥҥү туругунан өрөспүүбүлүкэ 13134 киһи кыттарга бэлэм.
«2018 сыллаахха булт көҥүлүн ылыыга уочараты суох гынар сыалтан https://e-yakutia.ru порталга электроннай суруттарыыны киллэрбиппит. Быйыл тустаах сокуоҥҥа уларытыы быһыытынан сэрэбиэй ньыматын киллэрбиттэрэ. Бу тэрээһин сокуон ирдэбилигэр толору эппиэттиир», - диэн СӨ инновацияҕа, цифровой сайдыыга уонна инфокоммуникационнай технологияҕа миниистирин э.т. Николай Гришаев иһитиннэрдэ.
Сэрэбиэй түмүгэ барыта Экология министиэристибэтин сайтыгар тахсан иһиэҕэ. Итини тэҥэ, кыттыбыт дьоҥҥо сэрэбиэй түмүгүн туһунан иһитиннэриини биир күн иһинэн судаарыстыбаннай порталга баар тус кэбиниэттэригэр тиэрдиэхтэрэ. Оттон сэрэбиэй түмүгүнэн сөптөөх эппиэти ылбыт дьон эмиэ судаарыстыбаннай портал көмөтүнэн булт көҥүлүн ылыыга сайабылыанньа биэрэллэр уонна атырдьах ыйын 3-31 күннэрин иһинэн көҥүлү хаһан, хантан ылыахтаахтарын ыйыахтаахтар.
-
0
-
0
-
0
-
0
-
0
-
0
