Издательский дом Редакция Подписка
Погода в Якутске: . 18 oC

Кыраапык быһыытынан бэс ыйыгар норуот дьокутааттара дьону кытта тус көрсүһүүлэрэ салҕанар. Бу туһунан Ил Түмэн аппараатын Кырасдааннар этиилэрин кытта үлэлэһэр салаата иһитиннэрэр.

Кыраапык быһыытынан бэс ыйыгар норуот дьокутааттара дьону кытта тус көрсүһүүлэрэ салҕанар. Бу туһунан Ил Түмэн аппараатын Кырасдааннар этиилэрин кытта үлэлэһэр салаата иһитиннэрэр.

Бэс ыйын 6 күнүгэр Ыччат дьыалатыгар, физическэй култуураҕа уонна успуорка сис кэмитиэт бэрэссэдээтэлэ Георгий Балакшин, Урбааҥҥа уонна туризмҥа сис кэмитиэт бэрэссэдээтэлэ Алексей Корнилов, Тутууга, олох-дьаһах хомунаалынай хаһаайыстыбатыгар уонна энэргиэтикэҕэ сис кэмитиэт бэрэссэдээтэлэ Александр Корякин, Төрүт олохтоох, аҕыйах ахсааннаах хотугу омуктар боппуруостарыгар уонна Аартыка дьыалаларыгар сис кэмитиэт бэрэссэдээтэлэ Елена Голомарева дьону кытта тус көрсүһүөхтэрэ.

Маны таһынан, бу күн Ил Түмэн хонтуруоллуур кэмитиэтин бэрэссэдээтэлэ Андрей Николаев уонна Мандаакка уонна регламеҥҥа хамыыһыйатын бэрэссэдээтэлэ Игорь Григорьев көрсүһүөхтэрэ.

Бэс ыйын 27 күнүгэр тус көрсүһүүгэ Култуураҕа уонна сонуну киэҥник тарҕатар ситимнэргэ сис кэмитиэт бэрэссэдээтэлигэр Виктор Губаревка киириэххэ сөп.

Тус көрсүһүүлэргэ эрдэттэн суруттарыахха наада: Ил Түмэн уопсастыбаннай приемнайыгар, аадырыһа: Дьокуускай к., Ярославскай уул., 24/1 дьиэтэ, 117 кэбиниэт эбэтэр интернет-приемнай нөҥүө: https://www.iltumen.ru/reception

Норуот дьокутаатыгар тус көрсүһүүгэ киирэргэ, бэйэ дааннайдарын уонна боппуруос ис хоһоонун ыйан туран, сайабылыанньа суруйуохтарын наада.

Эрдэттэн суруттарыы булгуччулааҕын уонна көрсүһэ кэлэргэ пааспары илдьэ кэлэри санатабыт.

Бу туһунан сиһилии 8 (4112) 43-53-74 төлөпүөнүнэн билиэххэ сөп.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22