Ол туһунан туризм сайдыытыгар ыытыллар судаарыстыбаннай бэлиитикэни дьүүллэһэр Ил Түмэн Саҥа Дьыл иннинэ буолан ааспыт парламентскай истиитигэр «Өлүөнэ очуостара» Национальнай паарка туризмҥа уонна экологическай сырдатыыга дириэктэри солбуйааччыта Дмитрий Громов иһитиннэрбитэ.
«Урут Өлүөнэ остуолбаларыгар туруору кирилиэһинэн тахсар этибит, онтон билигин үөһэттэн өрүһү көрөр 9 тохтуур сирдээх, саҥа кэтит суол тутулла турар, эргийэн тахсар буолан, быдан уһун эрээри, сыырынньа. Күн бүгүн үлэ 90% оҥоһуллан бүттэ», — диэн билиһиннэрбитэ кини.
Саха Өрөспүүбүлүкэтин урбааҥҥа, атыыга-эргиэҥҥэ уонна туризмҥа миниистирэ Тимур Ханды этэринэн, туризмы сайыннарарга туһунан судаарыстыбаннай бырагыраама оҥоһуллуохтаах, онно ситэ быһаарыллыбатах боппуруос киириэхтээх.
Биэс сыл иһигэр национальнай бырайыак чэрчитинэн Арассыыйаҕа туризмы сайыннарарга 400 млрд. солк. үп көрүллүөхтээх, ол иһигэр федеральнай бүддьүөттэн өрөспүүбүлүкэҕэ эмиэ тыырыллыахтаах. Европаттан кэлэр туристар евронан халыҥ харчыны төлүүргэ бэлэмнэр. Онон кэлэр сылларга туризмы сайыннарарга саҥа тутуу барыа, үлэ тэтимириэ.
Вице-спикер Юрий Николаев дьон сынньанарыгар үгүс эбийиэк Хаҥалас улууһугар баарынан сибээстээн, туристическай-рекрационнай сиринэн биллэрэргэ этии киллэрбитэ, оччотугар суол-иис, инфраструктура салгыы тутуллан иһиэ.
Хаартыска: https://eco-tourism.expert/ru/news/lenskie-stolby-ukrasila-vechernyaya-podsvetka
-
0
-
0
-
0
-
0
-
0
-
0
