Издательский дом Редакция Подписка
Погода в Якутске: . -24 oC

Таайтарыылаах таайбараҥ, ылыннарыылаах ылбаҕай, этиттэриилээх эриэккэс киэһэлэрдээх таҥха кэмин саҥа күнүнэн сэгэрдээр. Тоҥтон тостубат, тымныыттан тымтыбат, тобулар толкуйдаах, ыраатар ыраас ыралаах, баары баарынан ылынан барылы оҥорон, туҺуламмыт тосхолу тутуһан, чуумпуга да чуҥкуйбат, иҺийиигэ да иҺиллиирдээх буоламмыт сааһыламмыт санаалаах, майгылаах мааныта сахаларбыт, өҺүллүбэт өҺүөлээх, ыҺыллыбат акылааттаах, ыыппат ытыстаах, тайансар саннылаах, таарыйсар тарбахтаах, тутуһар тоҥолохтоох, иилистиҺэр илиилээх, или- эйэни сэргиир, эйэҕэҺи- сайаҕаьы кэрэхсиир, өтө көрүүлээх, инникигэ эрэллээх норуоппут.

Таайтарыылаах таайбараҥ, ылыннарыылаах ылбаҕай, этиттэриилээх эриэккэс киэһэлэрдээх таҥха кэмин саҥа күнүнэн сэгэрдээр. Тоҥтон тостубат, тымныыттан тымтыбат, тобулар толкуйдаах, ыраатар ыраас ыралаах, баары баарынан ылынан барылы оҥорон, туҺуламмыт тосхолу тутуһан, чуумпуга да чуҥкуйбат, иҺийиигэ да иҺиллиирдээх буоламмыт сааһыламмыт санаалаах, майгылаах мааныта сахаларбыт, өҺүллүбэт өҺүөлээх, ыҺыллыбат акылааттаах, ыыппат ытыстаах, тайансар саннылаах, таарыйсар тарбахтаах, тутуһар тоҥолохтоох, иилистиҺэр илиилээх, или- эйэни сэргиир, эйэҕэҺи- сайаҕаьы кэрэхсиир, өтө көрүүлээх, инникигэ эрэллээх норуоппут.

Оччолорго оннук этэ, баччаларга маннык этэ диирдээх дириҥ силистээх, оҥоро- оҥоро омуннуу түһэн онолуйдахха, нэмийэн биэрэн эбэн- сабан эриэккэстээн эттэххэ диир сэттэ сэллээбэккэ, аҕыс күн аҕылаабакка, тоҕус күн тохтообокко, уон күн уоскуйбакка олоҥхолуур улуу дьонноох буоламмыт төрөөбүт тылбыт төннүбэт төлкөлөөх, саҥарар тылбыт сандаарар саҕахтаах, амалыйар тылбыт сардаҥалаах аартыктаах. Харса суохтуун ханыылаҺан хардааччы санаалаахха хардарар хотоойу хорсун, баламат санаалааҕы кытта бааралаҺан баттыгастаах санаалааҕы батары- өтөрү көрөн саба баттыыр, ордугургуур санаалаах урдустары орулаҺан да туран оннуларын булларар улуу дьонноохпут, тоҕоостоох түгэҥҥэ, тоҕо анньан кэлэр толуукан дьонноохпут. Үтүмэн үгүс сылларга сүппэтэх, аата ахсаана суох ааспыт сылларга аҕыйаабатах үтүөкэннээх төрүт тылбытын үүнэр көлүөнэ ыччаппытыгар сыа- сым курдук тутан минньигэһин биллэриэххэйиҥ, амтаннааҕын амсатыаххайыҥ, күндүргэтэ күндүлүөҕуҥ, киэн тутта кэҺиилэниэҕиҥ.

Санатан эттэххэ, Дьокуускайга таҥха киэһэтэ тохсунньу 13 күнүттэн тохсунньу 19 күнүгэр диэри Киров уулусса 31 дьиэтигэр 3 этээскэ күнүс 15 ч. түүн 00 ч. диэри өрөбүлэ суох ыытыллар. 

Хаартыска: https://afisha.ykt.ru/events/view?id=5128&date=2025-01-13

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Ийэни-аҕаны солбуйан 

Мин бүгүн Өлөөн улууһун биир бэлиэ киһитэ, сэттэ тулаайах оҕону көрөн-истэн ииппит…
14.02.25 11:30
Түһүлгэ

Тыл... төрөөбүт төрүт тыл

Суоҕу да баар гынар, баары да мэлитэр аптаах алыптаах сахам тыла! Тыл барахсан арбыыр,…
14.02.25 09:34
Түһүлгэ

Дорҕооннор доҕордоһуулара

Былыыр былыр сурук – бичик сайда илигинэ Ылдьаа уолчаан саадьаҕай оҕуһун туора миинэн,…
14.02.25 09:32