Онон хампаанньалар ирдэбили төһө тутуһалларыгар сыанабыл оҥоһуллуоҕа. Хонтуруоллуур дьаһаллар араас киэбинэн ыытыллыахтарын сөп. Ол иһигэр, иниспиэктэрдэр наада буолар докумуоннары көрдөөн ылыахтарын, биитэр бэйэлэрэ миэстэтигэр тиийэн көрүөхтэрин, биитэр тэрилтэ үлэтин-хамнаһын ыстааттаах эрэсииминэн кэтээн көрүөхтэрин сөп.
– Маннык көҕүлээһин баар кыһалҕаны, итэҕэһи тута көрөн туоратарга, оҕолор сынньалаҥнарын куттала суох оҥорорго, чэбдигирдэр-сайыннарар үлэ көдьүүстээхтик тэриллэригэр тирэх буолар, – диэн бэлиэтээтэ Кирилл Бычков.
Үөрэх уонна билим миниистирэ Ньургууна Соколова иһитиннэрбитинэн, оҕо сайыҥҥы сынньалаҥын тэрийиигэ 560 сайаапка киирбит. Лааҕырдар үгүстэрэ оскуола таһынааҕы күнүскү былаһааккалар, ону таһынан, 80 стационарнай лааҕыр баар. Федеральнай бүддьүөттэн көрүллэр харчынан саҥа лааҕырдары тутарга үлэ ыытыллар эбит. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыскаҕа Саргын Скрябин, ЯСИА түһэриитэ
-
1
-
0
-
0
-
0
-
0
-
0
