Ольга Юрьевна 202 микрооройуону тупсарыыга урукку өртүгэр бырайыак, симиэтэ оҥоһуллубутун ону сөргүтэн, олоххо киллэрэр уолдьаспытын эттэ. «Набережнай» маҕаһыын эркинин кырааската хоҥнон түһэн, саҥардыллыбатаҕа ыраатта.
Светлана Степанова, Губинскай уокурук бэтэрээннэрин сүбэтин бэрэссэдээтэлэ Кыайыы 80 сылын көрсө бэтэрээннэр доруобуйаларын туругун бэрэбиэркэлэниэхтэрин баҕаралларын тириэртэ. 202 микрооройуоҥҥа Суорун Омоллоон уулуссатыгар үс муннук курдук быһыылаах элбэх этээстээх дьиэ докумуона сатаммакка өр кэмҥэ кураанах турбута. Ол дьиэҕэ билигин Оҕо ускуустубаҕа оскуолата көһөн киириэхтээх. Светлана Константиновна маннык улахан дьиэҕэ бэтэрээннэр түмсэллэригэр хос көрөргө этии киллэрдэ.
Олохтоохтор 203 микрооройуон набережнайыгар сайын быыл, кумах бурҕайа сытарын ыйан туран, сөтүөлүүр сиртэн «Парус» дьиэлэрин тула аспааллыырга, ыскамыайка, банаар туруорарга, от-мас, сибэкки олордорго баҕа санааларын эттилэр. Салгыы 204 микрооройуон тутулларыгар Күөх хонууга дьон сибиэһэй салгыҥҥа сылдьан хаамарыгар паарка наадатын о.д.а. туруорустулар.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
