Екатерина Семеновна Иванова, Чурапчы улууһун Мунньаҕын дьокутаата, «Улыбка» уһуйаан сэбиэдиссэйэ:
– Оҕо эрдэхпиттэн көхтөөх позициялаах буоламмын, уопсай дьыалаҕа кыттыһа, үөскүүр кыһалҕалары быһаарса үөрэммитим. Төрөөбүт төрүт дойдубун, Чурапчыбын, наһаа таптыыбын, кини сайдыытыгар тугунан эмит көмөлөспүт-кыттыспыт киһи диэн санааттан, дьокутаатынан талыллан нэһилиэк сэбиэтигэр үс ыҥырыыга үлэлээбитим, Улуус мунньаҕар иккис ыҥырыыбын талылынным. Социальнай бэлиитикэ уонна чөл олох хамыыһыйатын салайабын.
«Саха дьахтар таҥаралаах» диэн этиини олус сөбүлүүбүн, олохпор сирдэтэбин. Хас биирдии дьахтар бастатан туран, тапталлаах кэргэн, дьоллоох ийэ. Дьиэ кэргэн иллээх-эйэлээх, чэгиэн-чэбдик, туруктаах, ситиһиилээх эрэ буоллаҕына, тустаах да, уопсастыбаннай да үлэ тахсыылаах буолар. Кэргэннээхпин, үс кэрэчээн кыыстаахпын, минньигэс сиэннэрдээхпин.
2. Таптыыр уонна таптатар дьолу билбит дьахтар дьиэ кэргэнигэр эрэ буолбакка, тулалыыр дьонугар-сэргэтигэр үтүөнэн дьайар, үлэтэ-хамнаһа үтүө түмүктэрдээх буолар. Олоҕу олорон сыаналаан истэх ахсын, Таптал суолтата өссө үрдүүр-дириҥиир. Күнүскү түбүк кэнниттэн киэһэ утуйаары сытан: «Дьиэ кэргэним этэҥҥэ, бары дьиэбитигэр мустан, остуол тула олорон, үөрэ-көтө аһаан бүттүбүт», – дии саныыртан ордук Ийэ киһи дьоллоноро туох баар буолуой?!
3. Ананаастаах куурусса салаатын оҥоробун сөбүлүүбүн.
Буспут куурусса этин, ананаас хомпуоту, кытаанах сыыры кубиктыы кырбыыбын. Чеснок, хара биэрэс, туус, майонез кутабын. Булкуйабын. Тэриэлкэҕэ кутан баран, петрушканан о.д.а. күөх туманан киэргэтэбин.
-
0
-
0
-
0
-
0
-
0
-
0
