Тэрээһин Улуу Кыайыы 80 сылыгар уонна Саха Сиригэр Ийэ дойдуну көмүскээччи сылыгар ананар.
Санаттахха, Кыайыы былааҕын Муома оройуонун дэлэгээссийэтэ Абый улууһун баһылыга Владимир Новиковка туттарбыта. Тыа сирин олохтоохторо Кыайыы былааҕын сахалыы национальнай көстүүмнээх көрсүбүттэрэ.
Кыайыы былааҕа Абый улууһугар нэдиэлэ устата сылдьыаҕа. Нэһилиэнньэлээх пууннарынан үөрүүлээх тэрээһиннэр сэрии уонна тыыл бэтэрээннэрэ, байыаннай дьайыы бэтэрээннэрэ кыттыылаах ыытыллыахтара. Кыайыы былааҕа Дьааҥы улууһугар кулун тутар 14 күнүгэр туттарыллыаҕа.
Хаартыска: "Хотугу Кыым" хаһыат саайта
-
0
-
0
-
0
-
0
-
0
-
0
