Үгүс дьон, чуолаан эдэрдэр хаартыскаҕа түһэллэрэ, социальнай ситимнэргэ таһаараллара. Норуот бүддьүөтүн күүһүнэн күөлү тупсаран, көтөрдөргө уста сылдьар дьиэ тутан биэрбиттэрэ, онон ийэ кус оҕолорун батыһыннара сылдьарын бары даҕаны манньыйа көрөрбүт.
2019 с. русалка, баҕа сарыабына уонна водяной скульптуратын оҥороннор, күөлбүт өссө киэркэйбитэ, көтөр бииһэ, куорат олохтоохторо сөбүлээн мустар сирдэригэр кубулуйбута. Гражданскай сэрии дьоруойун Николай Щорс аатын сүгэр күөлгэ сайын фонтан ыһыахтана оонньуур этэ даҕаны, билигин үлэлээбэт, скульптуралар эмиэ суохтар, күөл тулата эргэрэн, быраҕыллыбыт курдук тураахтыыр.
Ол туһунан Киин уокурук олохтоохторо Фаина Авдеева аатынан Оҕо уус-уран айымньытын дыбарыаһыгар буолбут Ил Түмэн дьокутааттарын отчуотугар эппиттэрэ.
Онуоха Иван Луцкан Щорс күөлүн тупсарарга, саҥардарга олохтоохтор бары күүспүтүн түмэн, биир мөлүйүөн иһинэн симиэтэни бары көмөлөөн харчы булан син уйунуохха сөбүн туһунан иһитиннэрбитэ. Дьиҥэр, тапталлаах куораппытын тупсарарга, алдьаммыт фонтаннары өрөмүөннүүргэ бүддьүөккэ үп-харчы көрүллэрэ буоллар, быдан көдьүүстээх буолуо этэ.
Хаартыска СИА.
-
0
-
1
-
0
-
0
-
0
-
0
