Кини социальнай суолталаах СМИ-лары субсидиялыырга өрөспүүбүлүкэ, улуус хаһыаттарын, периодическай бэчээти тарҕатар киоскалары өйүүр наадалааҕын эппитэ.
«Суруналыыстар көрдөһүүлэринэн, социальнай суолталаах 50-100 сыл тухары тахсар өрөспүүбүлүкэ, улуус үйэлээх хаһыаттарын сокуонунан көмүскээн, өрөспүүбүлүкэ киэн туттуута оҥоруохха сөп.
Сэбиэскэй Сойууска төрөөбүт, онно улааппыт дьон хаһыаты, сурунаалы ааҕар үтүө үгэстэрин илдьэ сылдьаллар. Билигин буоста дьааһыктара эргэрэн, аҕа саастаах дьон «Горпечать» киоскаларыттан хаһыаты атыылаһаллар. Онон хас түөлбэ, тиэргэн аайы итинник киоскалар элбээн иһиэхтэрин наада. Периодическай бэчээти атыылыыр киоскалар «Уһун үйэлэнии маршрута» буолуохтарын сөп, аҕа саастаах дьон манна хас чэппиэр, бээтинсэ аайы мусталлар, сонуннарын үллэстэллэр. Ааҕыы култуурата уһун үйэлэниигэ тирэх буолар», — диэбитэ Мария Николаевна.
«Күн бүгүн суруналыыстар култуура үлэһиттэрин идэлээх сойууһугар киирэллэр, оттон хамнастара “атыттар” (“прочие”) диэнинэн ааҕыллар. Суруналыыс хамнаһа 45 000 – 55 000 солк., оттон култуура салаатын исписэлииһэ 90 000 – 100 000 солк. ылар. Үгүс талааннаах суруналыыстар кыһалҕаттан бибилэтиэкэҕэ, мусуойга, култуура салаатыгар үлэлии бараллар.
Онон “атыттар” (“прочие”) дэнэр бүддьүөт үлэһиттэрин хамнаһын үрдэтиини болҕомтоҕо ылан, суруналыыстар хамнастарын култуура үлэһиттэрин киэнигэр тэҥниири оруннааҕынан ааҕабын”, — диэбитигэр төгүрүк остуолга мустубут дьон тыын кыһалҕа быһаарылларыгар эрэнэн, дохсун ытыс тыаһынан доҕуһуоллаабыттара.
«Сахабэчээт» генеральнай дириэктэрэ Ньургуйаана Стручкова хамнаһы үрдэтии, бэчээттиир массыыналары саҥардыы сүрүн сорук буоларын иһитиннэрбитэ.
Күн бүгүн суруналыыстыкаҕа хамнас кыратыттан эдэр дьон кэлиитэ аҕыйаата, үксүн аҕа саастаах, идэлэригэр бэриниилээх дьон үлэлииллэр. Ас-таҥас, туттар тэрил, дьиэ-уот сыаната хас да төгүл үрдээбит кэмигэр биэнсийэтэ, атын босуобуйата суох аҥаардас 45 000 – 55 000 солк. хамнаска олорор күчүмэҕэй. Онон бу тыын кыһалҕа быһаарылларын үгүс суруналыыс күүтэр.
Ааптар хаартыскаҕа түһэриитэ.
-
4
-
0
-
1
-
0
-
0
-
0
