Арассыыйа Федерациятын Тутууга уонна олох-дьаһах хомунаалынай хаһаайыстыбатын министиэристибэтэ «Олорор дьиэ» федеральнай бырайыагы олоххо киллэрдэ. Ол чэрчитинэн, «Олох инфраструктурата» саҥа национальнай бырайыак үлэтин саҕалаата, онуоха үлэ биир хайысхатынан хаарбах туруктааҕынан 2017 сыл тохсунньу 1 күнүттэн саҕалаан 2022 сыл тохсунньу 1 күнүгэр диэри билиниллибит эргэ дьиэлэртэн дьону көһөрүү буолар. Жанна Якименко хаарбах дьиэттэн дьону көһөрүү үһүс түһүмэҕин саҥа мэхэньиисимэ бүтэһиктээхтик бигэргэтилиннэ да, нэһилиэнньэ иһитиннэриэхпит диэтэ.
2017 сыл тохсунньу 1 күнүнээҕи туругунан хаарбах туруктааҕынан билиниллибит дьиэлэртэн дьону көһөрүү бырагырааматын олоххо киллэрии 2025 сыл балаҕан ыйын 1 күнүгэр диэри ыытыллар.
– Бырагыраамаҕа киллэриллибит эргэ дьиэлэртэн дьону көһөрүү дьаһалларын үбүлээһини «Олох инфраструктурата» саҥа национальнай бырайыак чочулла сылдьар мэхэньиисимин чэрчитинэн оҥорорго биһиги этии киллэрбиппит, – диир Дириэксийэ салайааччыта.
Олохтоох салайыныы уорганнара хаарбах туруктаах элбэх кыбартыыралаах дьиэлэртэн дьону көһөрүү уочаратын, 185 №-дээх федеральнай сокуоҥҥа олоҕуран, тустаах дьиэ хаарбах туруктаахтар кэрискэлэригэр хаһан киллэриллибитинэн оҥороллор. Онуоха сууллаары турар итиэннэ суут уурааҕынан урутатан көһөрөргө быһаарыллыбыт дьиэлэр олохтоохторо бастакынан көһөрүллүөхтээхтэр. Сайаапкалары оҥорууга кыраасданнар муниципальнай тэриллии уорганнарын дьаһалталарыгар көтүрүллэргэ быһаарыллыбыт дьиэ оннугар саҥа дьиэҕэ өлүүлэһэн тутууга биитэр иккис ырыынакка кыбартыыра ылар, ону таһынан толуйар төлөбүрүгэ биэрбит сайабылыанньалара учуоттанар. Толуйар төлөбүр кээмэйэ, болдьоҕо уо.д.а. муниципальнай тэриллии уоргана олорор дьиэни бас билээччини кытары түһэрсибит сөбүлэҥнэринэн быһаарыллар.
– Толуйар төлөбүр сууммата хаарбах туруктаах олорор дьиэ ырыынака сыанатыттан көрөн ааҕыллар, өскөтүн кырасданьыын дьиэ куортамнаһарыгар, риэлтор өҥөтүгэр ороскуотурбут буоллаҕына, ону туоһулуур докумуоннаах буолара ирдэнэр, – диэн быһаарар Жанна Якименко.
Хаарбах дьиэлэртэн дьону көһөрүү бырагыраамата Бэрэсидьиэн Владимир Путин көҕүлээһининэн, 2008 сыллаахха саҕаламмыта. 2019 сылтан үлэ «Олорор дьиэ-уот уонна куорат эйгэтэ» национальнай бырайыак чэрчитинэн ыытыллыбыта. Бу туһунан Ил Дархан уонна Бырабыыталыстыба пресс-сулууспата иһитиннэрэр.
-
0
-
0
-
0
-
0
-
0
-
1
