РФ Үпкэ министиэристибэтэ Киин бааны кытта тэрийбит куонкурустарыгар Арассыыйа араас муннугуттан кытыннылар. СӨ Бырабыыталыстыбатын Бэрэссэдээтэлэ Кирилл Бычков салайыытынан Саха Сирин дэлэгээссийэтэ түмүктүүр түһүмэххэ кытынна.
2024-2027 сылларга финансовай билиини үрдэтиигэ эрэгийиэннээҕи бырагырааманы олоххо киллэрии Саха Сирин ситиһиитинэн буолбута. Бырагыраама иитинэн бу хайысхаҕа 124 тыһыынчаттан тахса, о.э. 82% устудьуон үөрэннэ.
Финансовай билии волонтердарын тирэх киинин аһыы биир сүрүн суолталаах дьаһалынан буолбута. Күн бүгүн тирэх киин 102 көхтөөх кыттааччылаах уонна 2027 сылга диэри 700 волонтерунан кэҥиир былааннаах.
Эрэгийиэн инновациятыгар көдьүүстээх хардыынан финансовай үөрэхтээһин порталын (https://fingramyakutia.ru) үлэлэтии буолбута. Сыл устата портал 10 тыһыынча туһанааччыны түмтэ. 2021 сылтан 1800-тан тахса иһитиннэрэр-сырдатар тэрээһиннэргэ 412 киһи кытынна.
СӨ Бырабыыталыстыбатын Бэрэссэдээтэлэ бэлиэтээбитинэн, олохтоохтор финансовай билиилэрин үрдэтиигэ туһаайыллыбыт көдьүүстээх үлэ элбэх киһи уонна тэрилтэ сыралаах үлэтин түмүгэр ситиһилиннэ.
«Бу Саха Сирин олохтоохторун финансовай билиилэрин үрдэтиигэ, эрэгийиэн үп-харчы өттүнэн тоҕоостоох буолуутун сайыннарыыга уонна табыгастаах эйгэни тэрийиигэ ыытар улахан үлэни билинии буолар. Үлэни үрдүктүк сыаналаабыттарын иһин Арассыыйа үпкэ миниистиригэр Антон Силуановка уонна Киин баан баһылыгар Эльвира Набиуллинаҕа махталбын тиэрдэбин», – диэтэ Кирилл Бычков.
Экспертэр финансовай үөрэхтээһин инфраструктуратын сайыннарыыга саамай үрдүк көрдөрүүлээх 12 эрэгийиэни финалга киллэрбиттэрэ.
«Столица финансовой культуры» куонкурус 2030 сылга диэри финансовай билиини уонна култуураны үрдэтиигэ туһуланар. Сүрүн сыалынан дьон-сэргэ үпкэ сыһыаннаах билиилэрин үрдэтиигэ көдьүүстэх бырайыактары киллэрэр эрэгийиэннэргэ көмөлөһүү буолар.
СӨ Ил Дарханын уонна Бырабыыталыстыбатын пресс-сулууспата.
-
1
-
0
-
0
-
0
-
0
-
0
