Судаарыстыбаннай Дуума ыччат бэлиитикэтигэр кэмитиэтин көһө сылдьар мунньаҕар судаарыстыбаннай былаас федеральнай уорганнарын, Арассыыйа Федерациятын субъектарын сокуону оҥорор уонна толоруулаах судаарыстыбаннай былаастарын уорганнарын, эспиэртэр, уопсастыбаннай тэрилтэлэр бэрэстэбиитэллэрэ кыттыыны ылыахтара.
Парламентарийдар Арассыыйа Федерациятыгар патриотическай иитии билигин баар тиһигин тупсарыы уонна нуормаламмыт быраабынан сүрүннээһин туһунан этиилэри көрүөхтэрэ, субъектар патриотическай иитии үлэтигэр бэйэлэрин уопуттарын билиһиннэриэхтэрэ.
Мунньах кыттыылаахтара маны таһынан ыччаты патриотическай иитии көдьүүһүгэр мониторинг ыытар уонна патриотическай иитии кэлим дьаһалларын ырытан оҥоруу, олоххо киллэрии тула санаа атастаһыахтара. Ыччат бэлиитикэтин олоххо киллэриигэ кэлим тиһиги олохтуурга уонна федеральнай сокуоҥҥа тирэх барылы оҥорорго патриотическай иитиини судаарыстыба өттүттэн өйөөһүн туһунан боппуруостары дьүүллэһиэхтэрэ. Судаарыстыбаннай Дуума ыччат бэлиитикэтигэр кэмитиэтэ туруоруллубут боппуруостарынан уонна киирбит этиилэринэн тустаах быһаарыылары ылыныаҕа диэн Ил Түмэн пресс-сулууспата иһитиннэрэр.
Хаартыскаҕа Василий Кононов (Ил Түмэн) түһэриитэ
-
0
-
0
-
0
-
0
-
0
-
0
