– Өрөспүүбүлүкэ үрдүнэн Өлүөнэ, Алдан, Амма, Бүлүү, Дьааҥы, Халыма өрүстэр сүнньүлэригэр сытар 24 улуус 51 нэһилиэгэр баар быстах хаайар 93 пууҥҥа итиннэ куттала суох үрдүк сирдэргэ халаан кэмигэр 43 тыһыынча ынах сүөһү уонна 50 тыһыынча сылгы таһаарыллыаҕа, – диир министиэристибэ ынах сүөһүнү иитиигэ, племенной үлэҕэ, кэпэрээссийэҕэ уонна хаһаайыннааһын дьоҕус киэптэригэр департаменын салайааччыны солбуйааччы Василий Бессонов.
Бу күннэргэ министиэристибэ эппиэттээх үлэһиттэрэ улуустарынан сылдьан, халаантан сэрэхтэх буолуу дьаһалларын тэрээһинин бэрэбиэркэлииллэр. Өлүөхүмэ сырыттылар, аны Уус Маайа, Ньурба, Нам улустарыгар барыахтаахтар. Былырыын халаан уутугар 586 сүөһү, ол иһигэр, 207 ынах сүөһү, 355 сылгы былдьаммыта, элбэх эбийиэк эмсэҕэлээбитэ, барыта 99,2 мөл солк суумалаах хоромньу оҥоһуллубута. Быйыл ол хатыламматын туһугар ураты сэрэхтээх буолар, сүөһүнү-сылгыны эрдэттэн куттала суох сиргэ таһаарар эрэйиллэр.
Хаартыска Тыа хаһаайыстыбатын уонна ас-үөл бэлиитикэтин министиэристибэтин саайтыттан ылылынна.
-
0
-
0
-
0
-
0
-
0
-
0
