2023 с. өрөспүүбүлүкэ муниципальнай тэриллиилэригэр табыгастаах куорат эйгэтин тэрийиигэ көрүллүбүт бүддьүөт үбүн туттууга ыытыллыбыт бэрэбиэркэ түмүгүнэн Покровскай куоракка бульвары оҥорууга Арассыыйатааҕы СУ СК Саха Сиринээҕи салаата холуобунай дьыаланы көбүппүт. Ил Дархан иһинэн архитектураҕа уонна куораты тутууга управление салайааччытын аатыгар бүддьүөт үбү тус сыалга туттуллубатах диэн КоАП РФ № 15.14 ыстатыйатынан административнай эппиэтинэскэ тардарга СӨ Борокуратуурата боротокуол толорбут.
Ону таһынан, Өрөспүүбүлүкэтээҕи ипэтиэкэ ааҕыныстыбатыгар түһэр бүддьүөт үбүн төһө көдьүүстээхтик туттубуттарын бэрэбиэркэлээбиттэр. Дьокуускай куорат Борокуратуурата 2024 с. хантараах сыанатын 1,6% түһэрэргэ эбии сөбүлэһии түһэрсэргэ ирдэбил ыыппыт. Хантараах сыаната түстэҕинэ, бүддьүөт үбүн атын сыалга туттуу куттала аччыыр.
Счетнай балаата боломуочуйалаах үлэһиттэрэ РФ КоАП хайысхатынан административнай кэһиигэ 31 боротокуолу толорбуттар. 2023 с. кытта тэҥнээн көрдөххө, административнай кэһии 24% үрдээбит. Бэрэбиэркэлэммит дуоһунастаах дьон бүддьүөт үбүн тус сыалга туттубатахтарын иһин административнай эппиэтинэскэ тардыллыбыттар.
Суут быһаарыытынан министиэристибэлэр уонна биэдэмистибэлэр салайааччыларын, улуус баһылыктарын, тэрилтэ салайааччыларын аатыгар 16 административнай ыстараап, 9 сэрэтии оҥоһуллубут.
2024 с. хонтуруоллуур-ааҕар уорганнар 375 тэрээһини ыыппыттар, кинилэр 74 млрд. солк. үбү бэрэбиэркэлээбиттэр, онно 4000 кэриҥэ кэһиини булбуттар.
Счетнай балаата сүрүн болҕомтотун эрэгийиэннээҕи бырайыактар туолууларын хонтуруоллуурга уурбут, Оҕо саас сылын тэрээһиннэрин, Аартыкаҕа сыһыаннаах судаарыстыбаннай бырагыраамалары бэрэбиэркэлээбит.
Хаартыска Якутия Daily
-
0
-
0
-
0
-
0
-
0
-
0
