Бу күн биһиги Аҕа дойдуну көмүскүүр Улуу сэриигэ саа-саадах тутан кыргыспыт, уоттаах сэрии толоонугар олохторун толук уурбут, Кыайыы көтөллөнөн кэлэн, эйэлээх олоҕу тутуспут аҕаларбытын, эһэлэрбитин, хос эһэлэрбитин итиэннэ тыылга Кыайыыны уһансыбыт ийэлэрбитин, эбэлэрбитин, хос эбэлэрбитин кэриэстиибит.
Хас биирдиилэрин ааттарын ааттаан, махтанабыт, сүгүрүйэбит. Ол чиэһигэр кинилэр мэтириэттэрин күөрэччи көтөҕөн, холуонналарга холбоһон, биир сомоҕо буолан, хаамсабыт.
Бүгүн, Улуу Кыайыы 80 сылын бэлиэтиир Улуу күҥҥэ, Дьокуускайга, «Өлбөт үйэлээх полк» аахсыйаҕа сааһыттан уонна омугуттан тутулуга суох, тыһыынчанан киһи, куорат олохтооҕо, ыалдьыта, хас да биэрэстэлээх сиринэн тайаан кытынна.
Хаартыскаҕа Галина Матвеева түһэриитэ
-
5
-
1
-
0
-
0
-
0
-
0
