«Сири-дойдуну сайыннарарга креативнай индустрия быһаччы сабыдыаллыыр, үп-харчы киирэр, дойду иһигэр оҥоһуллар табаар уонна өҥө элбиир. Айар-тутар дьон куорат киһи олороругар табыгастаах, интэриэһинэй буоларын хааччыйаллар, эдэр киһи төрөөбүт дойдутуттан тэйбэккэ эрэ ис кыаҕын арыйан сайдарыгар, манна олохсуйарыгар төһүү күүс буолаллар.
Итиниэхэ олоҕуран, киһи оҥорор хапытаала эбиллэр, үлэ миэстэтэ тахсар, кимиэхэ да хатыламмат ураты көстүүбүт киэҥ эйгэҕэ тахсар. Бу барыта олохпут хаачыстыбатын уонна эрэгийиэн инникитин кытта сибээстээх», — диэн кини санаатын үллэһиннэ.
Гасан Гасанбалаев этэринэн, «Уһук Илиҥҥэ айыллыбыт: айар дьоҕуртан экэниэмикэҕэ диэри» диэн креативнай индустрия норуоттар икки ардыларынааҕы II пуорум култуурунай уонна экэнэмиичэскэй былаһааккаҕа кубулуйуоҕа. Креативнай салааны сайыннарарга үптэрин-харчыларын угар инвестордар, улахан хампаанньалар, пуондалар, ону таһынан, федеральнай таһымнаах министиэристибэлэр, эспиэртэр, урбаанньыттар кэлиэхтэрэ.
Эрэгийиэннэр бэрэстэбиитэллэрэ күүстэрин түмэн, айар үлэҕэ уопуттарын атастаһыахтара, саҥа көҕүлээһиннэри олоххо киллэриэхтэрэ. Бу тэрээһиҥҥэ көннөрү бырайыактар быыстапкалара эрэ буолбакка, оробуочай былаһааккаҕа урбаан сайдар суолун тобулуохтара.
Эрэдээксийэ хаартыската.
-
0
-
0
-
0
-
0
-
0
-
0