Ол курдук, Уус Маайа улууһугар, Бээлчэки аннынан Алдан өрүс уутун таһыма 2195 см буолбут, кутталлаах кирбии -- 2130 см. Уу үс олбуору ылбыт. Уус Миилгэ уу таһыма 1521 см., уу оҕуруот учаастактарыгар киирбит. Петропавловскайга уонна Эдьээҥҥэ уу кутталлаах кирбиигэ чугаһаабыт, ыаллар олбуордарын уу ылбыт.
Томпо улууһугар Охотскай Перевоз бөһүөлэгин аннынан уу таһыма 1199 см, кутталлаах кирбии -- 1190 см. Хаандыга бөһүөлэгинэн уу таһыма 1000 см тиийдэ эрээри, билиҥҥитэ дьон олорор сиригэр суоһаабат.
Бүлүү өрүскэ, Староватово аннынан, уу таһыма 939 см., кутталлаах кирбии -- 980 см. Уу тоҕус ыал олбуоругар киирбит.
Атын өрүстэргэ быһыы-майгы холку. Муус атын кырыыта Дьааҥы өрүскэ Нижнеянскай аннынан, Индигиргэ -- Чокурдаахтан 140 км аллараа, Өлөөҥҥө -- Таймылыыртан үөһэ усталлар. Бу туһунан Ил Дархан уонна Быраабыталыстыба пресс-сулууспата иһитиннэрэр.
-
1
-
0
-
0
-
0
-
0
-
0
