Игорь Юргин Судаарыстыба баһылыгар «Дьоруойдар кэмнэрэ» үөрэх бырагыраама тэриллиитин уонна Анал байыаннай дьайыы байыастарын өйөөһүн иһин махтанна.
«Эһиэхэ быһахха элбэх исписэлиис баар, мин өйдүүрбүнэн, бойобуой ускуустубаҕа», -- диэн Арассыыйа Бэрэсидьиэнэ младшай сержант Андрей Григорьевка-Тутаҕа сигэнэн эттэ.
Арассыыйа Дьоруойа, «Дьоруойдар кэмнэрэ» бастакы түһүмэҕин бүтэрээччи үөрэх бырагырааматыгар хайдах кыттыбытын, итиэннэ Саха Сирин Бырабыыталыстыбатыгар үлэлээбит уопутун туһунан кэпсээтэ. Стажировкаланар кэмигэр кини уһуйааччытынан Саха Өрөспүүбүлүкэтин Ил Дархана Айсен Николаев буолбута. Юргин бу бырагырааманан үөрэнэн баран Саха Өрөспүүбүлүкэтин ыччат дьыалатыгар уонна социальнай коммуникацияларга миниистирин эбээһинэһин толорооччунан үлэлээбитэ.
«Биһиги, бырагыраама бастакы уонна иккис түһүмэҕин кыттыылаахтара, биир улахан дьиэ кэргэн буоллубут. Бу сырдык иэйии. Бу дьон итэҕэлэ. Дьон итэҕэйэрэ биһиэхэ улахан суолталаах. Бу Ытык иэс, офицер чиэһэ, бу туһугар олорор тоҕоостоох», - диэн бэлиэтээтэ Игорь Юргин.
Маны сэргэ, байыаннай дьайыы байыаһа билиҥҥи үлэтин туһунан иһитиннэрдэ. Кини РФ үөрэҕириитин министиэристибэтин Иитии, эбии үөрэхтээһин уонна оҕо сынньалаҥын эйгэтигэр судаарыстыбаннай бэлиитикэ департаменын салайар.
Санатан эттэххэ, Анал байыаннай дьайыы кыттыылаахтарыгар анаммыт «Дьоруойдар кэмнэрэ» үөрэх бырагыраамата Арассыыйа Бэрэсидьиэнин сорудаҕынан РАНХиГС судаарыстыбаннай управлениетын Үрдүкү оскуолатын «Сенеж» мастарыскыайын баазатыгар олоххо киирэр.
Бырагыраама сыалынан-соругунан судаарыстыбаннай уонна муниципальнай былаас уорганнарыгар, ону тэҥэ судаарыстыбаннай хампаанньаларга үрдүк квалификациялаах, компетентнай салайааччылары бэлэмнээһин буолар. Саха Өрөспүүбүлүкэтигэр быйылгыттан «Саха сирэ — Дьоруойдар сирдэрэ» диэн эмиэ ити курдук каадырабай бырагыраама үлэлиир.
Иһитиннэрии уонна хаартыска: https://www.sakha.gov.ru/news/6532
-
0
-
0
-
0
-
0
-
0
-
0
