Быыбар киин хамыыһыйата иһитиннэрбитинэн, Сунтаарга улуус баһылыгын быыбара ананна.
Ол курдук, өрөспүүбүлүкэ маннык нэһилиэктэригэр (поселениеларга) баһылык быыбара ыытыллыаҕа:
Уолбут нэһилиэгэр (Абый), Русскай Устье сэл. (Аллайыаха), Элгэс, Адыаччы нэһилиэктэригэр (Дьааҥы), Тоҕус нэһилиэгэр (Бүлүү), Одуну нэһилиэгэр (Горнай), Алтан, Мэҥэ, Моорук, Нөөрүктээйи нэһилиэктэригэр (Мэҥэ Хаҥалас), Бөтүҥ нэһилиэгэр (Нам); Беркакит бөһ. (17.06), Чульман бөһ. (17.06) (Нерюнгри), Улахан Чыыстай национальнай нэһилиэккэ (Муома), 2-с Хаҥалас нэһилиэгэр (Орто Халыма); Бүлүүчээн, Хоро нэһилиэктэригэр (Сунтаар), Алдан, Тыараһа, Уолба нэһилиэктэригэр (Таатта), Дүпсүн нэһилиэгэр (Уус Алдан), 2-с Малдьаҕар нэһилиэгэр (Хаҥалас), Кытаанах нэһилиэгэр (Чурапчы).
Ону тэҥэ Саха Сирин үгүс нэһилиэктэригэр (поселениеларыгар) бэрэстэбиитэллээх уорганнар дьокутааттарын быыбара былааҥҥа турар.
Тумат нэһилиэгэр (Булуҥ), Тоҕус нэһилиэгэр (Бүлүү), Чульман бөһ. (Нерюнгри), 2-с Хаҥалас, 1-кы Мээтис нэһилиэктэригэр (Орто Халыма), Бүлүүчээн, Хоро нэһилиэктэригэр (Сунтаар), Алдан, Тыараһа, Уолба нэһилиэктэригэр (Таатта), Дүпсүн нэһилиэгэр (Уус Алдан), Күп национальнай нэһилиэгэр (Уус Маайа), Бэстээх, 2-с Дьөппөн нэһилиэктэригэр (Хаҥалас), Кытаанах, Соловьев, Сылаҥ, Хоптоҕо нэһилиэктэригэр (Чурапчы).
Улуус таһымыгар оройуон дьокутааттарын эбии быыбара Сунтаар, Таатта улуустарыгар ыытыллыаҕа. Оттон Мэҥэ Хаҥалас улууһун Мэҥэтигэр нэһилиэк дьокутааттарын эбии быыбара буолуоҕа.
Саха Сиринээҕи киин быыбардыыр хамыыһайата 2025 сылга быыбардары анааһын туһунан информацияны салгыы саҥардыаҕа.
Хаартыска СӨ Киин быыбардыыр хамыыһыйата
-
0
-
0
-
0
-
0
-
0
-
0
