Үтүө көмөһүттэр кэккэлэригэр Саха Өрөспүүбүлүкэтин Уопсастыбаннай Балаататын чилиэнэ, Мэҥэ Хаҥалас улууһун Бочуоттаах олохтооҕо, «Гражданскай килбиэн» бэлиэ туһааннааҕа, Саллааттар уонна мотуруостар төрөппүттэрин өрөспүүбүлүкэтээҕи кэмитиэтин бэрэссэдээтэлэ Мария Емельянова үлэлээтэ.
– Ытык Күөлгэ буолан ааспыт «Манчаары оонньууларыгар» сиэммин кытары үтүө көмөһүт быһыытынан үлэлээтим. Хамаандаҕа 197 волонтер кытаанах сүүмэрдээһини ааһан киирбиппит. «Таатталары эрэ ылабыт», -- диэбиттэрэ. Сиэним – Чөркөөх олохтооҕо, М.К. Аммосов аатынан ХИФУ устудьуонката, психолог үөрэҕэр үөрэнэр Мария Сабарайкина.
Кини оскуолаҕа үөрэнэ сылдьыаҕыттан «Волонтеры Победы», «Өлбөт үйэлээх полк» хамсааһыннарга көхтөөхтүк кыттар. Мин байыаннай чаастарга тиийэн, Саха Өрөспүүбүлүкэтиттэн ыҥырыллыбыт биир дойдулаахтарбытын кытары көрсөн, Ыһыах ыһарбар хас да төгүл барсан көмөлөспүтэ, -- диэн кэпсээтэ Мария Егоровна.
Хаартыскалары Мария Емельянова ыытта.
-
5
-
0
-
0
-
0
-
0
-
1
