Сенатор Сахамин Афанасьев «Аартыка куораттара. Уһук Хоту олорорго тупсаҕай усулуобуйаны хааччыйыы» диэн сиэссийэҕэ Аартыка зонатын куораттарыгар эрэ буолбакка, тыа поселениеларыгар эмиэ тупсаҕай усулуобуйаны тэрийии улахан суолталааҕын бэлиэтээтэ. Бэрэсидьиэн сорудаҕынан, Аартыканы сайыннарыы тирэх нэһилиэнньэлээх пууннарын (16 агломерация) кэрискэтэ оҥоһуллан, хас биирдиилэригэр 2035 сылга диэри социальнай-экэнэмиичэскэй сайдыы мастар-былааннара оҥоһуллубутун кэпсээтэ.
Арассыыйа Аартыкатыгар ресурснай бырайыактары олоххо киллэриигэ анаммыт сиэссийэҕэ Аартыканы сайыннарыыга, тустаах сокуоннары тупсарыыга, минеральнай-сырьевой баазаны, айылҕа ресурсаларын көдьүүстээхтик туһаныыга итиэннэ тулалыыр эйгэни харыстааһыҥҥа Федерация Сэбиэтин ыытар үлэтин-хамнаһын туһунан сырдатта.
– Саҥа соруктар туруоруллалларынан, Арассыыйа Аартыкатын оруола күүһүрэн иһэр. Парламентарийдар федерация субъектарын өйүүргэ, кинилэр этиилэрин истэргэ, баар кыһалҕалары быһаарарга көмөлөһөргө мэлдьи бэлэмнэр, -- диэтэ Сахамин Афанасьев.
Бу туһунан Федерация Сэбиэтин саайта суруйар.
Хаартыска: Федерация Сэбиэтин саайтыттан.
-
0
-
0
-
0
-
0
-
0
-
0
