Былаах өрөгөй ырыатын уонна дьаралыгы кытары судаарыстыба суверенноһын бэлиэтэ буолар. Аҕа дойдубут модун кыаҕын уонна улуутун, биһиги дойдубутугар биир иллээх дьиэ кэргэн курдук олорор норуоттар айхалларын уонна үлэлэрин-хамнастарын, чиэстэрин уонна хорсун быһыыларын көрдөрөр. Судаарыстыбаннай былаах иннигэр буойуттар андаҕар биэрэллэр, Ийэ дойду туһугар сэриигэ киирэллэр. Былааҕы күөрэччи көтөҕөннөр, хорсун-ходуот дьоннор саҥа сирдэри арыйаллар, куосумаһы баһылыыллар, саҥа собуоттары-баабырыкалары туталлар, ыспарсымыаннар дойду чиэһин көмүскүүллэр. Былааҕы тутаннар атомоходтар уонна аныгы ааллар акыйаан дуоланын тыыраллар, сөмөлүөттэр салгыҥҥа куһуура көтөллөр.
Биһиги былаахпыт – биһиги сомоҕолоһуубут. Аҕа дойдубутугар тапталбыт, эрэлбит, ааспыкка сүгүрүйүүбүт, билиҥҥинэн киэн туттуубут, дойдубут кэлэр кэскилигэр эрэлбит бэлиэтэ буолуохтун, саҥа үрдэллэргэ, кыайыыларга, ситиһиилэргэ сирдии туруохтун!
Күндү доҕоттор, бырааһынньыгынан эҕэрдэлиибин. Дьолу-соргуну, чэгиэн-чэбдик туругу, этэҥҥэ буолууну баҕарабын!
Алексей ЕРЕМЕЕВ, Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлэ
Хаартыска: Василий Кононов (Ил Түмэн) уонна Владимир Григорьев түһэриилэрэ
-
0
-
0
-
0
-
0
-
0
-
0
