Бу бэлиэ күҥҥэ сөп түбэһиннэрэн, Саха сирин кэллиэстэригэр, техникумнарыгар саҥа 20 мастарыскыай арылынна. Видеонан үөрүүлээх арыллыыга Ил Дархан Айсен Николаев кытынна.
Айсен Николаев:
— Бүгүн Саха сирин кэллиэстэригэр, тиэхиньикумнарыгар 20 мастарыскыайы уонна ЯТЭК фирменнэй аудиториятын арыйдыбыт.
Бу күн Арассыыйа Бэрэсидьиэнэ Владимир Владимирович Путин орто анал үөрэх дойду инники кэскилигэр суолтата улахан оруоллааҕын билинэн олохтообут, Орто анал үөрэхтээһин күнүгэр сөп түбэстэ. Орто анал үөрэх систиэмэтэ быйыл 85 сылын бэлиэтиир. Бу, үгэһи тутан эрэ турбакка, кэм ирдэбилигэр сөп түбэһэн салгыы сайдан иһэрэ биһиэхэ улахан суолталаах.
Пилота суох көтөр аппарааттар, хайа цифровой дьыалата, биотехнология, сыыппара моделированиета – бу саҥа мастарыскыайга аһыллар идэлэр. Ол эрээри, үгэскэ кубулуйбут хайысхалар – мэдиссиинэ, тырааныспар, тыа хаһаайыстыбата эмиэ ирдэнэллэр. Бу курдук былаһааккалары тэрийэрбитигэр “Ыччат уонна оҕо аймах” национальнай бырайыак “Профессионалитет” федеральнай бырайыак чэрчитинэн кластернай сыһыаны туһанабыт. Бу, күүһү түмэргэ, тэрилтэлэри кытта бииргэ үлэлэһэргэ уонна үөрэх хаачыстыбатын саҥа таһымҥа таһаарарга көмөлөһөр. Маннык былаһааккалар Дьокуускайга эрэ буолбакка, Аартыкаттан соҕурууҥҥу улуустарга тиийэ аһыллаллар, — диэн бэлиэтээн эттэ.
-
0
-
0
-
0
-
0
-
0
-
0
