Ааспыт ыйдарга РЦМБ араас идэтийиилээх биригээдэлэрэ Өлөөн, Булуҥ, Аллараа Халыма, Нерюнгри, Абый, Алдан, Эдьигээн, Орто Халыма, Аллайыаха, Үөһээ Халыма, Кэбээйи, Өймөкөөн, Муома, Анаабыр, Дьааҥы, Үөүээ Халыма, Усуйаана, Эбээн Бытантай, Томпо, Уус Алдан, Амма, Нам, Хаҥалас, Өлүөхүмэ, Ленскэй уонна Бүлүү бөлөх улуустарыгар сырыттылар.
Оҕо быраастарын биригээдэлэрэ Анаабыр, Дьааҥы, Өлөөн, Нерюнгри, Эбээн Бытантай, Эдьигээн, Өймөкөөн, Орто Халыма, Булуҥ уонна Муома улуустарыгар үлэлээтилэр.
Тиис быраастара Эбээн Бытнатайга, Аллайыахаҕа, Эдьигээҥҥэ, Уус Майдаҕа уонна Орто Халымаҕа сырыттылар, оттон психоневрологическай бөлөх – Орто Халыма, Абый, Эбээн Бытантй уонна Усуйаана улуустарыгар.
Уопсайа сыл саҕаланыаҕыттан РЦМБ биригээдэлэрэ 67-тэ 27 улууска айаннаатылар.
Санатар буоллахха, “Өрөспүүбүлүкэтээҕи мобильнай биригээдэлэр кииннэрэ” бырайыак Ил Дархан көҕүлээһинэн 2023 сыллаахха саҕаламмыта. Ааспыт сылга мобильнай дуоктардар 18 улууска 35 тыһыынчаттан тахса киһини көрбүттэрэ.
Хаартыска: Улуус Медиа
-
0
-
0
-
0
-
0
-
0
-
0
