Ону таhынан «Передышка» диэн бырагырааманан кырдьаҕас, эбэтэр инбэлиит дьон кылгас болдьоххо интэринээккэ киириэхтэрин эмиэ сөп, холобур, оҕолоро, көрөр дьоно уоппускаларыгар сынньана барар түгэннэригэр, эбэтэр сэргэхсийээри, бэйэлэрин үөлээннээхтэрин кытта алтыhаары киирэллэр.
Биллэн турар, кыhалҕа эмиэ элбэх. Ол иhигэр кырдьаҕастар уонна инбэлииттэр интэринээт-дьиэлэригэр миэстэ тиийбэтин кыhалҕата сытыытык турар. Быйыл ыам ыйынааҕы туругунан уочаракка 200 тахса киhи баар этэ.
Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэт чилиэннэрэ хас да интэринээт дьиэлэри кэрийэн көрдүлэр, үлэhиттэри уонна олорооччулары кытта кэпсэттилэр.
«Хомойуох иhин, сорох интэринээт дьиэлэргэ дьон олорор усулуобуйалара аныгы ирдэбилгэ эппиэттэбэт, Дьокуускайга баар интэринээттэр бары кэриэтэ хапытаалынай өрөмүөҥҥэ наадыйаллар.
Холобур, Покровскайдыыр суолга турар психоневрологическай интэринээт суола-ииhэ суоҕа тырааныспар, бэл, суhал көмө массыыната кэлэригэр улахан кыhалҕаны үөскэтэр. Аны социальнай өҥөнү оҥорор тэрилтэлэр тарыыптарын быһаарыыга чуолкай быhаарыы суох», — диир Алена Атласова, Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ.
Кини этэринэн, чааhынай пансионаттар дьиэлэрэ барыта куортамҥа турар, биир да тутуу социальнай хайысханан дьарыктанар урбаанньыттар бас билиилэригэр киирбэтэх. Онон кырдьаҕастары көрөргө-истэргэ маннык уустук салааҕа үлэлии сылдьар дьону өйүүргэ, судаарыстыба өттүттэн көмө, сир учаастагын ылалларыгар өйөбүл наада диэн этэллэр.
«Демография» национальнай бырайык чэрчитинэн Намҥа, Бүлүүгэ, Өлүөхүмэҕэ, Алдаҥҥа аныгы ирдэбилгэ эппиэттиир интэринээттэр тутулуннулар. Быйыл Мэҥэ Хаҥалас Матта бөhүөлэгэр эмиэ саҥа ирдэбилгэ сөп түбэhэр интэринээт дьиэ тутуллан киириэхтээх.
«Аҕа көлүөнэ» эрэгийиэннээҕи бырайыак чэрчитинэн, федеральнай бүддьүөттэн өрөспүүбүлүкэтээҕи В.П. Решетников аатын сүгэр кырдьаҕастар уонна инбэлииттэр интэринээт дьиэлэрин саҥа куорпуһа тутулларыгар 1 млрд 200 мөл. тахса үп көрүлүннэ.
Хаартыска Алена Атласова архыыбыттан.
-
0
-
0
-
0
-
0
-
0
-
0
