Биирдиилээн биридимиэттэри дириҥэтэн үөрэтэр Покровскайдааҕы 3 №-дээх оскуолаҕа бүгүн ийэлэри эҕэрдэлээтилэр уонна оҕолор күүстэринэн, кинилэр талааннарынан бэртээхэй кэнсиэри бэлэхтээтилэр.
Кырачаан үөрэнээччилэртэн саҕалаан, улахан кылаас оҕолоругар тиийэ ким туох талааннааҕын көрдөрөн, ыллаан дьиэрэттилэр, үҥкүүлээн битийдилэр, муода көрдөрөн, имигэстик хаамтылар. 2 кылаас оҕото «Дарите женщинам цветы» аатырбыт ырыаны дохсун ытыс тыаһынан доҕуһуоллатан толордо.
Күн күбэй ийэлэргитин, сирдээҕи аанньалларгытын, эйэҕэс эбээлэргитин эҕэрдэлииргитин умнумаҥ, бу сиргэ дьахтар баар буолан олох салҕанар, удьуор ууһа тэнийэр.
Ааптар хаартыскаҕа түһэриитэ.
-
4
-
1
-
0
-
0
-
0
-
0
