«Хотугулуу-Илиҥҥи федеральнай униерситет устудьуона өлбүтүн истэн харааһынным. Кини чугас дьонугар, ХИФУ устудьуоннарыгар кутурҕаммын биллэрэбин. Университет салалтата силиэстийэлиир уорганнары кытта ыкса үлэлээн, быһылаан тула быһаарсарыгар уонна буруйдаахтары эппиэтинэскэ тардарга ирдиибин.
СӨ Үөрэххэ уонна билимҥэ министиэристибэтигэр үөрэх тэрилтэлэригэр куттал суох буолуутугар миэрэлэри бэрэбиэркэлииргэ соруйдум. Үөрэх тэрилтэлэригэр итэҕэл уонна куттала суох буолуу эйгэтэ баар буолуохтаах», — диэн Ил Дархан телеграм-ханаалыгар суруйар.
Санатар буоллахха, сэтинньи 1 күнүгэр ХИФУ уопсайыгар 18 саастаах, Эбээн Бытантайтан сылдьар 1 куурус устудьуонун кыыллыы кырбаабыттара, комаҕа киирэн баран, хомойуох иһин, сэтинньи 10 күнүгэр сырдык тыына быстыбыт.
Хаартыска: ХИФУ саайтыттан
-
0
-
0
-
0
-
0
-
0
-
0
