Санатар буоллахха, бу бэлиэ к8н өссө 18 үйэттэн бэлиэтэнэр. Екатерина II ыраахтааҕы дойдуну салайан олорон, Сибэтиэй Георгий Победоносец уордьанын олохтообута. Ол кэмҥэ ити уордьанынан килбиэннээх, хорсун-хоодуот быһыыны көрдөрбүт буойуннар наҕараадаланаллара.
ххх
Саха сиригэр «Саха сирэ – Дьоруойдар сирдэрэ» каадыр бырагырааматын бастакы сүүрээнэ ситиһиилээхтик ыытыллар. Эрэгийиэҥҥэ саҥа көлүөнэ салайааччылары бэлэмниир бырайыак өрөспүүбүлүкэ салалтатыттан үрдүк сыанабылы ылан, салгыы үлэлиэҕэ. Бу бырагыраама сүрүн уратыта — бырайыактааһыҥҥа олоҕурар. Ол курдук, хас биирдии кыттааччы дириҥэтэн үөрэниини ааһарын таһынан, өрөспүүбүлүкэ социальнай-экэнэмиичэскэй соруктарын быһаарарга туһуламмыт бэйэтин бырайыагын олоххо киллэрэр.
«Курсаннар, үгэс курдук, олохтоохтор олохторун тупсарыыга туһуламмыт бырайыактары талаллар. Эбэтэр байыаннай дьайыы кыттыылаахтарын уонна кинилэр дьиэ кэргэттэрин олоххо түргэнник эбэтэр көдьүүстээхтик киллэрэргэ анал бырайыактар баар буолуохтарын сөп. Бырагыраама кылгас кэмҥэ ыытыллар, ол иһинэн киэҥ ис хоһоонноох үөрэх матырыйаала бэриллэр. Ситиһиилээхтик үөрэнэн бүтэрбитигэр, бары курсааннар судаарыстыба олохтообут холобуругар сөп түбэһэр квалификацияны үрдэтии туһунан туоһу суругу ылыахтара», – диэн каадыр бырагырааматын Уопсастыбаннай сэбиэтин чилиэнэ, Саха сиринээҕи салайар киин салайааччыта Василий Десяткин бэлиэтиир.
«Саха сирэ – Дьоруойдар сирдэрэ» каадыр бырагыраамата РФ бэрэсидьиэнэ Владимир Путин өйөөбүт «Дьоруойдар кэмнэрэ» диэн федеральнай көҕүлээһин чэрчитинэн олоххо киирэр. Сүрүн сыала – эрэгийиэн социальнай-экэнэмиичэскэй сайдыытыгар быһаччы кыттыһыах кэскиллээх салайааччылары булуу, үөрэтии уонна өйөөһүн буолар.
ххх
Саха Сирин дьоруойдара — «Кыайыы сирэйэ» бырайыакка
Арассыыйаҕа Аҕа дойду дьоруойдарын күнүн көрсө, Саха Сириттэн Аҕа дойдуну көмүскүүр Улуу сэрии Сэбиэскэй Сойуус 25 дьоруойун ааттара «Кыайыы сирэйэ» аан дойдутааҕы историческай бырайыакка киирбиттэрэ.
Бырайыагы билиһиннэрии Москубаҕа Саха Сирин күннэрин уонна «Бары кэм дьоруойдарыгар сүгүрүйэбит» патриотическай аахсыйа чэрчитинэн ыытылыбыта. «Кыайыы сирэйдэрэ» — байыаннай көлүөнэни үйэтититэр саамай улахан бырайыак. Аҕа дойду Улуу сэриитин кэмигэр Фронтовиктар, бартыһааннар, медиктэр, тэрилтэ оробуочайдара, тыа сирин үлэhит дьоно-сэргэтэ, хас биирдии киһи Кыайыыга бэйэлэрин кылааттарын киллэрсибиттэрэ.
Саха Сириттэн Сэбиэскэй Сойуус дьоруойдарын «Кыайыы сирэйэ» аан дойдутааҕы историческай бырайыакка киллэрии туһунан иһитиннэриини Кыайыы түмэлин салалтата оҥордо. Кинилэр ортолоругар Николай Кондаков, Владимир Лонгинов, Федор Охлопков, Николай Чусовской, Сергей Асямов уонна Аҕа дойду Улуу сэриитин өссө 20 кыттыылаахтара бааллар.
Ил Дархан Айсен Николаев этэринэн, күн бүгүнүгэр диэри хорсун-хоодуот Саха Сирин буойуттара Ийэ дойду көмүскэлигэр халбаҥнаабакка туруналлар. «Биһиги ытык иэспит – норуокка историческай өйдөбүнньүгү, сэрии чахчыларын, кыайыы, босхолооччу норуот туһунан тыыны кэлэр көлүөнэҕэ иитэн-үөрэтэн таһаарыахтаахпыт.
«Кыайыы сирэйэ» аан дойдутааҕы историческай бырайыакка Саха Сириттэн Сэбиэскэй Сойуус 25 дьоруойдарын хаартыскаларын уонна историяларын туттардыбыт. Биһиги дьоруойдарбыт туһунан өйдөбүнньүк уонна дойдуга тапталбыт билигин барыбытын биир сыалга тиэрдэр. Кыайыыга эрэллээхпин!» - диэн Айсен Николаев бэлиэтээбитэ.
Хаартыскалар: Якутия 24, СИА, Саха гов
-
2
-
0
-
0
-
0
-
0
-
0
