Оҥоһуу өй билигин хас тэрилтэ аайы киирэн эрэр, бааҥҥа эрийдэххэ, робот кэпсэтэр, бородуукта маҕаһыыныгар кассир оннугар электроннай терминалга төлүүгүн, үп-харчы дааннайын бэйэтэ ырытар, отчуоту оҥорор, тиэкиһи суруйар, тылбаастыыр, оннооҕор хоһоону, ырыаны айан таһаарар, хайа талбыт ыйытыккар эппиэттиир.
Нейроситим килийиэннэри кытта кэпсэтэр, кинилэр туохха наадыйалларын булан биэрэр, социальнай ситимнэргэ тиэкиһи суруйар, ойууну, видеону туруорар, мэдиссиинэҕэ ким туга ыалдьарын быһаарарга көмөлөһөр. Бырамыысыланнаска үлэ эрэсиимэ тохтобула суох барарын хааччыйар, тиэхиньикэ алдьанан эрэрин, саахалтан сэрэтэр.
“Өйдөөх дьиэ” билигин чаанньыгы холбуур, уоккун хатыыр, бааннаҕар уу кутан биэрэр. Инникитин «өйдөөх куорат» бүтүн куорат олоҕун, тырааныспар сырыытын салайар буолуоҕа.
Кэлэр 10-15 сыл иһинэн суоттуур-суруйар үлэни көмпүүтэр солбуйуоҕа, киһи үлэтэ олох аҕыйыа дииллэр. Ол табыгаһа диэн робокка хамнас, уоппуска төлөөбөккүн, кини сылайар-ыалдьар диэни билбэт, төгүрүк суукка да үлэлиэн сөп.
Хаартыска: Андрей Сорокин, СИА.
-
0
-
0
-
0
-
0
-
0
-
0
