Дьоллоох олоҕу олорорбут баҕа санаабыт туоларыттан тутулуктаах. Сыалы-соругу ситиһии эниэргийэҥ таһымыттан тутулуктаах. Киһи эниэргийэтин долгуйуу, бириэмэни эккирэтии, ситэ оҥоһуллубатах дьыала, быһаарыллыбатах кыһалҕаны ыас курдук эргитэ сылдьан санааһын о.д.а. сиир. Ол иһин баҕа санааҕын үөһэ тиэрдэргэр эниэргийэҥ таһыма үрдүк, ыраас, дьоҥҥо куһаҕаны баҕарбат курдук экологичнай буолуохтаах.
Сороҕор дьон оҕотун, чугас дьонун олоҕунан олорор, онон кинилэр баҕа санааларын ситиһэ сатыыр, эбэтэр ийэтэ-аҕата эппитин толорор дьүккүөрдээх сылдьар. Ону бэрэбиэркэлииргэ баҕа санааҕын барытын кумааҕыга сурунаҕын, онтон тургутук нөҥүө сиидэлиигин. Бу чахчы мин баҕа санаам дуо? Эбэтэр ким эрэ туһугар оҥоруохтаахпын дуу? - диэн ыйытыктарга хоруйдуугун.
Баҕа санааҕын ситиһэргэ төһө харчы наадатын, ону хаһан оҥоруохтааххын ырытан көрөн баран баҕа санааҕын сылга, онтон ыйдарга, нэдиэлэҕэ үллэрэн былаан оҥостоҕун. Сылы супту ол былааҥҥын суруна сылдьан тугу ситиспиккин бэлиэтиигин, туох кыаллыбатаҕын хайдах оҥоруохха сөбүн толкуйдаан былаан оҥостоҕун. Оччоҕуна ыра санааҥ былааҥҥа киирэн, түргэнник туолар. Оттон кумааҕыга баҕа санааҕын суруйан, эбэтэр баҕа санаа каартатын оҥорон баран умнан кэбистэххинэ, таах дьыбааҥҥа сыттаххына бэлэми ким аҕалан биэриэй? Онон баҕа санаа туолуута, бастатан туран, бэйэҕиттэн улахан тутулуктаах.
Ааптар хаартыската.
-
0
-
0
-
0
-
0
-
0
-
0
