Тохсунньу 19 күнүгэр Иисус Христос Иордан өрүскэ киирэн пророк Иоанн Предтеча көмөтүнэн сүрэхтэнии сиэрин-майгытын ааспыта. Бу кэмҥэ халлаан сиигэ арыллан, үөһэттэн сибэтиэй тыын үрүҥ холууп буолан түспүтэ, Сибэтиэй Троица: Таҥара Аҕата, Уола уонна Сибэтиэй Тыын көстүбүт. Үрүҥ холууп өрө көтөн тахсан: «Тапталлаах уолбун алгыыбын», — диэн саҥа иһиллибит. Ол иһин Кириһиэнньэ иккис аата — Таҥара илэ көстүүтэ.
Таҥара дьиэтигэр улахан иһиттэргэ ууну кириэһинэн даҕайан, сибэтиэй тыынныыллар, ол ууну дьон иһиккэ куттан дьиэлэригэр илдьэ бараллар. Сибэтиэй уу холодильникка сыл да турдаҕына буорту буолбат, ол уунан дьиэни ыраастыыллар, бэйэни да ыраастаналлар. Саамай сүрүнэ Кириһиэнньэ иннинэ туох баар айыыгын-хараҕын, дьоҥҥо туох куһаҕаны оҥорбуккун барытын санаан туран, алҕаһаабыккын өйдөөн, сыыспыккын ис сүрэхтэн истиҥник билинэн, ол сүгэһэргиттэн босхолонуохтааххын.
Ойбоҥҥо киирэн сөтүөлээн тахсыбыт киһи тута айыытыттан-харатыттан босхолонор диэн буолбатах, бастатан туран, куһаҕаны оҥорбуккун билиниэххин, инникитин ону хатылаабат курдук дьаһаныаххын наада диэн этэллэр Таҥара үлэһиттэрэ.
Хаартыска СИА.
-
0
-
0
-
0
-
0
-
0
-
0
