SMART бибилэтиэкэҕэ дьокутааттар бэйэлэрин хайысхаларынан туох үлэ ыытыллыбытын билиһиннэрдилэр. Антонина Афанасьевна ааспыт сылга Ил Түмэҥҥэ 293 нуормаламмыт быраап аакталарын, 113 сокуону, ол иһигэр 11 сүрүн тирэх буолар сокуоннары ылыммыттарын бэлиэтээтэ.
Судаарыстыбаны салайыыга, социальнай бэлиитикэҕэ, экэниэмикэ сайдыытыгар, үөрэххэ, тыа хаһаайыстыбатыгар элбэх сокуон таҕыста. 14 сокуону Ил Дархан, Бырабыыталыстыба 26 сокуону, норуот дьокутааттара 66 сокуону киллэрбиттэр.
Ил Түмэҥҥэ федеральнай сокуоннары эмиэ ырытыһаллар, холобур, үрдүк үөрэххэ төлөбүрдээх миэстэҕэ урут ким харчылаах ол төлөөн киирэр этэ, билигин ону хааччахтыахтара.
Антонина Афанасьевна парламентарий дьахталлар лиигаларын салайар, кинилэр дьиэ кэргэҥҥэ баттаныы тахсар түгэнин төгүрүк остуолга дьүүллэспиттэрин туһунан кэпсээтэ. Онно олоҕуран дьиэҕэ кыра оҕону, дьахтары, оннооҕор эр киһини атаҕастыыры тохтоторго, сэрэтэргэ икки сокуон барылын бэлэмнээбиттэр, ону кулун тутарга ылыныахтаахтар.
Бүддьүөтү ылыныы уонна олохтоох салайыныы сокуоннарын тула киэҥ кэпсэтии таҕыста. Өрөспүүбүлүкэ Төрүт Сокуонугар кэккэ уларытыылары киллэрии кэнниттэн ахсынньы бүтүүтэ бастакы ааҕыыга ылыллыбыт сокуон быһыытынан, сүрүн уопсай үөрэхтээһин, ону таһынан, орто үөрэх босхо буолар диэн чуолкайданна.
Ааптар хаартыскаҕа түһэриитэ.
-
0
-
0
-
0
-
0
-
0
-
0
