Кини куорат нэһилиэнньэтин ахсаана эбиллэ турарын санатан, өрөспүүбүлүкэ бүддьүөтүн дохуоттаах чааһа 337 млрд. солк., оттон Дьокуускайга итиччэ элбэх киһи олорор эрээри, куорат бүддьүөтүн дохуота баара-суоҕа 36 млрд., онтон үс гыммыт иккитэ үөрэхтээһиҥҥэ, учууталлар хамнастарыгар, оскуолалары хааччыйарга, оҕолору аһатарга барар, ол иһин куораты тупсарыыга аҕыйах харчы ордор диэтэ. Онон куоракка көрүллэр үбүлээһин нуормата үрдэтиллиэх тустааҕын эттэ.
Дьокуускай маастар-былаанын чэрчитинэн, уокурукка Роман Дмитриев аатынан өрүс кытыла бастакынан оҥоһуллубута. Ил Түмэн уонна куорат Дууматын дьокутааттара «Киин куорат» түмсүүгэ мустан, тапталлаах куораппытын салгыы тупсарарга үлэлииллэр. 2030 сылга диэри итирдэр утаҕы атыылыыр 60-тан тахса кафе сабыллыахтаах. Кафены бас билээччилэрэ лиссиэнсийэлэрэ бүтүөр диэри үлэлиэхтэрэ. Баһаар буолар түгэнигэр быстах кэмҥэ дьону олордорго куорат бэйэтин күүһүнэн 120 хостоох 9 этээстээх уопсай дьиэ тутуллар, онно өрөспүүбүлүкэттэн эбии үбүлээһин киирэрэ, хаарбах дьиэттэн дьону көһөрөргө 2 млрд. солк. көрүллэрэ ирдэнэр.
Николай Бугаев Арассыыйа саҥа эрэгийиэннэригэр түөртэ бара сылдьыбытын, Донбааһы өйүүргэ хотугулуу-илиҥҥи пуонда үлэлиирин, 140 тиэхиньикэни илдьибиттэрин, Аҕа дойдуну көмүскүү сылдьар буойуннарга 380 туонна баһыылканы тиэрдибиттэрин кэпсээтэ. АБДь кыттыылаахтарыгар уһулуччу көрдөрүүлэрин иһин «Саха Сирин Дьоруойа» ааты олохтуурга, тустаах сокуон барылын бэлэмнииргэ үлэ ыытылларын билиһиннэрдэ.
Ааптар хаартыскаҕа түһэриитэ.
-
0
-
0
-
0
-
0
-
0
-
0
