Убаастабыллаах Матвей Васильевыһы "Ил Түмэн" издательскай дьиэ аатыттан үтүөкэннээх үбүлүөйгүнэн, дьоһун-мааны күҥҥүнэн ис сүрэхпититтэн итиитик-истиҥник эҕэрдэлиибит, сахалыы сайаҕас алгыспытын тиэрдэрбит!
Талан ылбыт идэҕэр бэриниилээхтик үлэлээн, Сахабыт Сирин сайдыытыгар үгүс кылааккын киллэрэн эрчимнээхтик үлэлээбиккинэн киэн туттабыт. Сахалыы сайаҕас, чиэһинэй, хайдах да ыарахантан чаҕыйбат, ыктарыылаах да кэмнэргэ ыгылыйбат майгыгын, тулалыыр дьоҥҥор-сэргэҕэр өрүү болҕомтолоох, үтүөкэннээх сыһыаҥҥын сыаналыыбыт.
Толкуйдаабыккын тобула, санаабыккын саргылыы сырыт! Ыарыы ыалласпатын, дьаҥ-дьаһах халты хаамтын, үтүө ыраҥ туолан, санаабытыҥ ситэн истин, оҕолорун-сиэннэриҥ тапталларыгар бигэнэн өссө да уһуннук, дьоллоохтук сүһүөҕүҥ үрдүгэр сылдьан, үлэлээ-хамсаа, үгүс дьоҥҥун үөрдэ тур!
-
0
-
0
-
0
-
0
-
0
-
0
