Марафону тэрийээччилэр бырагырааманы идэтийбит ыспарсымыаннарга итиэннэ көннөрү дьарыктанааччыларга анаан тэрийдилэр. Онон, хас да көлүөнэ хайыһардьыттар кыттыахтара. Марафон киин куорат 202-с түөлбэтигэр, Муус куоратыгар ыытыллыаҕа, күрэхтэһээччилэр 500 миэтэрэттэн саҕалаан, 50 километрга диэри уһуҥҥа сүүрүөхтэрэ.
Марафон кулун тутар 29 күнүгэр сарсыарда 10:30 чаастан параадынан саҕаланыаҕа. Салгыы оҕолор 500 миэтэрэҕэ, бэтэрээннэр 1 километрга, улахан дьон маассабай сүүрүүгэ (5 км), спортивнай дистанцияҕа (10, 15, 50 км) сүүрүөхтэрэ. Кыайьыылаахтар тута наҕараадаланыахтара.
Марафоҥҥа кыттарга регистрация онлайн киэбинэн MyRace платформаҕа (https://myrace.info/events/1777 сыылканан) кулун тутар 25 күнүгэр диэри ыытыллар. Стартыыр нүөмэрдэр кулун тутар 28 күнүгэр Дьокуускай куорат Орджоникидзе уулуссатын 28 №-гэр биэриллэр. Регистрация боппуруостарынан Александр Алексеевич Быкановка үлэ күнүгэр 8 (914) 228-05-86 төлөпүөнүнэн эрийэн биитэр электроннай почтанан Адрес электронной почты защищен от спам-ботов. Для просмотра адреса в вашем браузере должен быть включен Javascript. билсиҥ диэн Саха Өрөспүүбүлүкэтин Физическэй култуураҕа уонна успуорка министиэристибэтин пресс-сулууспата иһитиннэрэр.
Хаартыска: Владимир Григорьев.
-
1
-
0
-
0
-
0
-
0
-
0
