Маай бырааһынньыктарыгар дьон айылҕаҕа тахсан шашлыктыыр, ходуһаны өртүүр кэмнэригэр ойуур баһаара барыан сөп. Нэһилиэнньэни айылҕа алдьархайыттан көмүскүүргэ, халаан уутун этэҥҥэ аһарарга, ойуур баһаарын аҕыйатарга, буруйдаахтары эппиэккэ тардарга Ил Түмэҥҥэ оробуочай мунньах буолан ааста.
Мунньаҕы парламент экэниэмикэҕэ, инвестиционнай уонна бырамыысыланнай бэлиитикэҕэ сис кэмитиэтин бэрэссэдээтэлэ Павел Петров ыытта.
РФ Ыксаллаах быһыыга-майгыга кылаабынай управлениетын начаалынньыгын солбуйааччы Виталий Немцов Росгидромет этэринэн быйыл өрөспүүбүлүкэ өрүстэрэ 1-2 күн эрдэ эстиэхтэрэ диэн сабаҕалыырын туһунан иһитиннэрдэ.
Ууга барыан сөптөөх уонна ойуур баһаара турар кутталлаах 15 улууска кулун тутар 11 уонна муус устар 18 күннэригэр хамаанданан, ыстаабынан үөрэтии, күүһү түмэргэ эрчиллии үлэтэ ыытыллыбыт.
Халаан уутун этэҥҥэ аһарарга Өлүөнэ, Халыма, Бүлүү, Алдан, Амма, Нүүйэ, Токко өрүстэргэ 7 учаастакка 41 км. мууһу эрбээтилэр. 859 гектар иэннээх 85 учаастакка мууһу кэбирэтэргэ хараардыы үлэтин ыыттылар. Күн сардаҥалара сылытан, бу учаастактар түргэнник ирэллэр, муус тэҥник алдьанар, харыы тахсыбат.
Маны таһынан, космомониторинг ситимин, «Орлан-10» пилота суох көтөр аалы, дьону сэрэтэргэ сыыппара ханаалын туһаналлар, итиэннэ аэромобильнай бөлөхтөрү бэлэмнээтилэр.
Хаартыска Андрей Сорокин, ЯСИА.
-
0
-
0
-
0
-
0
-
0
-
2
