Күн бүгүн өрөспүүбүлүкэ 37,61% сирэ ытык кэрэ сирдэр ахсааннарыгар киирэн турар. Национальнай пааркалар, заповедниктар тэриллэн, федеральнай суолталаах ураты харыстанар сирдэр иэннэрэ 6 төгүл улаатан, 12 мөл. гектарга тиийдэ. Нерюнгри улууһугар Улахан Токко национальнай паарка бырайыагын оҥоро сылдьаллар.
Федеральнай, эрэгийиэннээҕи, муниципальнай таһымнаах ураты харыстанар сирдэргэ хонтуруоллуур, научнай-чинчийэр, үүнээйини, хамсыыр харамайы кэтээн көрөр үлэнэн судаарыстыбаннай инспектордар дьарыктаналлар. Хамсыыр харамайдар ахсааннарын харыстыырга кыһын аһаталлар, оту биэрэллэр.
Күн бүгүн 143 судаарыстыбаннай инспектордар үлэлииллэр, биир инспектор 400 000 гектар ураты харыстанар сири көрөр, норматив быһыытынан, сири-уоту кэрийэн көрөргө биир киһиэхэ 12 000 гектар тиксиэхтээх. Итиниэхэ олоҕуран, өрөспүүбүлүкэҕэ 4744 инспектор баар буолуохтаах. Дьулустаан Хон испектордар хамнастарын үрдэтэр уолдьаспытын туһунан эттэ.
Билим үлэһиттэрэ хамсыыр харамай көрүҥүн, ахсаанын үөрэтэллэр, үрүҥ эһэлэри, илиҥҥи кыталыктары, кыыл табалар үөрдэрин кэтээн көрөллөр. Билиҥҥи туругунан өрөспүүбүлүкэҕэ 300 ойуур бизоннара бааллар, инспектордар хаарга сылдьар бараан сүтэн эрэрин тохтоторго үлэлэһэллэр.
Сыл ахсын ураты харыстанар сирдэри ойуур баһаарыттан көмүскүүргэ спутнигынан кэтээн көрөллөр, баһаары умуруорарга мобильнай биригээдэлэри тэрийэллэр.
Хаартыска Ольга Старостина, ЯСИА.
-
0
-
0
-
0
-
0
-
0
-
0
