Бу диэки харыы суох, муустар бытарыһан, кыра өлүүлэргэ арахсан, сүүрүк хоту тэтимнээхтик уста тураллар, кэннилэриттэн күүстээх тыал үрэр. Кырдалга хоп-хойуу ньургуһуннар тыллан, сир барыта саһаран, күн уотугар өссө тупсан, сандааран көстөр.
Табаҕа тоҕойугар хачыал оҥорбуттар, киһи хачыаллыы олорон, үөһэттэн муус бара турарын, ньургуһуннар тыллыбыттарын астына-дуоһуйа көрөр.
Билиҥҥи туругунан, Табаҕатааҕы гидропуоска уу таһыма 862 см., муус бара турар. Кэлэр сууккаҕа уу таһыма 920-960 см. диэри үрдүө, кутталлаах кирбии 970 см. Ол туһунан СӨ Гражданскай оборуона дьыалатыгар уонна нэһилиэнньэ куттала суох буолуутун хааччыйар миниистир бастакы солбуйааччыта Айаал Вензель брифиҥҥэ иһитиннэрдэ.
Ааптар хаартыскаҕа түһэриитэ.
-
2
-
0
-
0
-
0
-
0
-
0
