Онон быйыл саҥа агротехнологическай кылаастар Бөтүҥ уонна Амма 1 №-дээх оскуолаларыгар (Амма улууһа), Модут оскуолатыгар (Нам), В.Д.Лонгинов аатынан Атамай оскуолатыгар, С.П. Данилов аатынан Бэрдьигэстээх оскуолатыгар (Горнай), Дмитрий Таас аатынан Хорообут оскуолатыгар, А.С. Шахурдин аатынан Төҥүлү оскуолатыгар (Мэҥэ Хаҥалас), профессор Г.П. Башарин аатынан Сылаҥ оскуолатыгар (Чурапчы), С.П. Ефремов аатынан Булгунньахтаах оскуолатыгар (Хаҥалас) аһыллыахтара. Агротехнологическай кылаастарга оҕолор аныгы судаарыстыбаннай ыстандаарка сөп түбэһиннэрэн, тыа хаһаайыстыбатын төрүттэрин билсиэхтэрэ, тыа сирин үлэтигэр-хамнаһыгар үөрэниэхтэрэ. Агротехнологическай кылаастары арыйыыга тустаах нэһилиэктэр хаһаайыстыбалара, урбаанньыттар көмөлөһөллөр, оскуола идэҕэ туһаайар үлэтигэр тирэҕирэн, кэнэҕэски солбуктарын бэлэмнииллэр.
«АПК-ҕа каадырдары» федеральнай бырайыак 2025 сылтан үлэлиир. Былырыын өрөспүүбүлүкэҕэ 6 агротехкылаас аһыллыбыта, 2030 сылга диэри 144 агротехкылаас арыллыахтаах. Бу нацбырайыак соруга – 2030 сылга диэри салааны илэтийбит каадырдарынан 95 % хааччыйыы буолар. Бу туһунан Тыа хаһаайыстыбатын уонна ас-үөл бэлиитикэтин пресс-киинэ иһитиннэрэр.
Хаартыска: Эрэдээксийэ архыыбыттан.
-
1
-
0
-
0
-
0
-
0
-
0
