Ол курдук, саха биллиилээх судаарыстыбаннай-бэлитиичэскэй диэйэтэлэ Илья Винокуров пааматынньыгар сибэкки дьөрбөтүн уурда. Салгыы «Арассыыйа почтатын» Намнааҕы салаатыгар сылдьан үлэни-хамнаһы билистэ уонна Госдуума соторутааҕыта Почтаны сайыннарыыга, почтальон үлэтин үрдэтиигэ туһуламмыт саҥа сокуону ылыммытын билиһиннэрдэ. Намҥа баар «Мин докумуоннарым» элбэх функциялаах кииҥҥэ сылдьан үгүс үлэ ыытылларын бэлиэтээтэ, тэрилтэ дьиэтигэр ыытыллыахтаах өрөмүөн үлэтин көрдө.
Парламентарий күн иккис аҥаарыгар өрөспүүбүлүкэҕэ бэйэтин бородууксуйатынан киэҥник биллэр «Эрэл» ТХПК-ҕа сырытта, үлэһиттэри кытта кэпсэттэ. Ол кэннэ ускуустуба оскуолатыгар сырытта, улуустааҕы Мунньах дьокутааттарын уонна Нам улууһун 19 нэһилиэктэрин баһылыктарын кытта көрсүстэ.
Иккис күн, Госдуума дьокутаата Дьокуускайга Анал байыаннай дьайыы кыттыылаахтарын уонна олох уустук балаһыанньатыгар түбэспит дьон дьиэ кэргэттэрин кытта социальнай өйөбүл боппуруостарынан көрүстэ.
Кэпсэтии анал байыаннай дьайыыга өлбүт байыас чугас аймаҕар төлөбүрү төлүүргэ докумуону оҥоруу, олорор дьиэни приватизациялааһын уонна саахалланар туруктаах пуондаттан көһөрүүнү кытта сибээстээх кыһалҕаларын туһунан буолла. Ону тэҥэ үрдүк технологиялаах мэдиссиинэ көмөтүн оҥорууга судаарыстыба өйөбүл дьаһалларын туһунан кэпсэттилэр.
Анал байыаннай дьайыы кыттыылаахтарын уонна бэтэрээннэрин, кинилэр дьиэ кэргэттэрин чилиэннэрин араас өрүттээх өйөөһүн Судаарыстыбаннай Дуума дьокутааттарын үлэлэрин тутаах хайысхатынан буолар. Ол эрэгийиэннэр нэдиэлэлэрин кэмигэр уонна дьокутаакка кэлэр суругунан ирдэһииилэринэн бастайааннай төрүккэ олоҕуран оҥоһуллар. Бары боппуруостар федеральнай былаас уорганнарын, байыаннай биэдэмистибэлэр уонна эрэгийиэннээҕи структуралар таһымнарыгар көрүллэллэр. Ылыллыбыт дьаһаллар тустарынан сайабылыанньалар тута иһитиннэриллэллэр диэн информационнай ситимнэргэ суруйаллар.
Эргийиэннээҕи нэдиэлэ чэрчитинэн Галина Данчикова алмаастаах Айхалга сылдьан үлэһит бөһүөлэк төрүттэммитэ 65 сылын туолар үбүлүөйдээҕи тэрээһиннэригэр кытынна, алмаасчыттар үөрүүлэрин үллэһиннэ. Салгыы Мииринэйгэ үлэлииригэр «Мин докумуоннарым» элбэх функциялаах кииҥҥэ сылдьан үлэлиир усулуобуйаларын кытта билсиһэригэр үлэһиттэр кыһын дьиэ тымныытын, ититэр ситим мөлтөхтүк сылытарын эттилэр. Дьокутаат муниципалитет бу кыһалҕаны сайын устата быһаарарыгар, сөптөөх усулубуйаны тэрийэригэр сорук туруорда уонна хонтуруолга ылан, аныгыскы кэлиитигэр бэрэбиэркэлиэҕим диэн сэрэттэ. Ону тэҥэ Мииринэйгэ таһаҕаһы таһыыга, уматыгынан хааччыйыыга алмааһы хостуур бөдөҥ ааахсыйалаах уопсастыбалар, оройуону хааччыйар тэрилтэлэр салайааччыларын, эппитинэснэтээх үлэһиттэрин кытта киэҥ ыҥырыылаах мунньах ыытта.
Хаартыска Галина Данчикова мах-ханаалыттан
-
0
-
0
-
0
-
0
-
0
-
0
