«Ньурба улууһун олохтооҕо киирэн инбэлиитинэһин группатын үрдэтэргэ туруоруста. Тутатына Ньурбатааҕы киин балыыһа поликлиникатын кытта сибээскэ тахсан, ыарыһах устуоруйатын болҕомтолоохтук үөрэтэллэригэр уонна сөптөөх көрдөрүүлэр баар буоллахтарына, дааннайдары МСЭ бүрүөтүгэр ыыталларыгар көрдөстүм. Биллэрин курдук, инбэлиитинэс группатын бу бүрүө сиһилии чинчийиитигэр олоҕуран быһаараллар.
Бу күн Ньурбаттан сибээстэһэннэр, ыарыһах туһунан информация МСЭ ыытыллыбытын туһунан иһитиннэрдилэр.
Салгыы көрсүһүүгэ анал байыаннай дьайыы кыттыыылаҕа кырасданьыын Б. киирэн контрагы түһэрсиини кытта сибээстээх боппуруоһу билистэ.
Ити күн кини сулууспалаабыт байыаннай чааһыгар туруорсуу сурук ыыттым уонна анал байыаннай дьайыы кыттыылааҕын быһыытынан «Аҕа дойдуну көмүскээччилэр» пуонда эрэгийиэннээҕи салаатыгар приемҥа суруйтардыбыт. Көрсүһүү кэмигэр бэтэрээн уоппуската бүтүөр диэри харах балыыһатыгар приемҥа суруйтарарга көрдөспүтүн ылынаммыт, от ыйын 20 күнүн сарсыардатыттан харах балыыһатыгар көрдөрүнэ сылдьар.
Атын кыраасданнары кытта көрсүһүү туһунан кэлин билиһиннэриэҕим. Тоҕо диэтэргит, куруутун дьыаланы чопчу түмүгэр тириэрдээччибин. Оттон сороҕор ону быһаарарга бириэмэ наада», -диэн норуот дьокутаата бэйэтин мах -ханаалыгар сиһилии билиһиннэрэр уонна бу сыһыарыынан кини ханаалыгар суруйтарарга ыҥырар https://max.ru/channel_doctorlutskan.
-
0
-
0
-
0
-
0
-
0
-
0
